Қидирув

фл. 1. Пушаймон бўлмоқ, афсус қилмоқ (асосан, ўз иши, қилмишидан).

Баҳодир ножўя ҳаракати билан Оқилани хижолатга қўйганидан қаттиқ ўкинар, лекин иш ўтган эди. — М. Жалолиддинова, Кейинроқ

У Умурзоқ, иш билан овора бўлиб кетиб, кечадан бери уйга келолмаганидан ўкинди, ўз-ўзини бепарволикда койиди. — Ҳ. Назир, Сўнмас чақмоқлар

Дарбадарликдан, ўзимнинг симобдай беқарор саёқлигимдан жуда ўкинар эдим. — Ғ. Ғулом, Шум бола

2. Умуман, хафа бўлмоқ, куйинмоқ.

Адолат фронтдан хат келганига хурсанд бўлди. Хурсанд бўлди-ю, Норматни, Олимжонни эслаб ўкинди. — И. Раҳим, Чин муҳаббат

Унинг ҳазиллашиб бирон сўз айтмаганига қиз хурсанд бўлди, лекин шу билан баробар, кутилмаган бепарволигига ўкинди. — Ойбек, Олтин водийдан шабадалар

от Номақбул, кўнгилсиз иш, ҳодиса ва уни тузатиб бўлмаслик туйғуси туфайли юз берадиган ғамгинлик, хафалик; афсусланиш, афсус.

— Қувончми, ўкинчми, билиб бўлмайдиган аллақандай бир ҳис ичимни тимдалайди, — деди йигит. — С. Аҳмад, Таъзим

Зумрад бу сўзларни шу қадар ўкинч, ажабланиш ва даҳшат билан айтдики, Самандарнинг кўзларидан дув ёш чиқиб кетишига оз қолди. — С. Кароматов, Қалбимда қуёш

Ёрмат ёшли кўзларини йилтиратиб, ўкинч билан бошини тебратиб турди. — Ойбек, Танланган асарлар

сфт. Ўкинч ёки афсусланиш ҳисси сезилиб турадиган, ўкинч ифодаловчи.

— Мен бечора — деди Искандаров ўкинчли товуш билан. — Ойбек, Нур қидириб

фл. Ўкинмоқ феълининг биргалик нисбати.