Поиск

ot 1. Oʻzini tanitmaslik yoki himoya qilish uchun yuzga tutiladigan, kiyiladigan narsa; maska.

Karnaval niqobi.

Ungur qaziyotgan boyoqishlarning yuzlari chaqmoqdan yara, gʻurra boʻlib ketibdi, shuni tutib olib ishlashsin, deb qildim, — dedi Qudrat, temir niqobni chollarga uzatib. — M. Ismoiliy, Fargʻona tong otguncha.

Ey mohtob, ochgil niqob, Karnavalda yangrar soz. — T. Toʻla

2. Maxsus tikilgan jild, qoplama.

Uch derazali katta kabinet, baland suyanchiqli stullarga, yumshoq kreslolarga oq niqob yopilgan. — P. Qodirov, Uch yulduz

3. koʻchma Haqiqatni, haqiqiy hol, qiyofa va shu kabilarni pardalovchi, yashiruvchi narsa, vosita.

Niqobini olmoq.

Ha, uzoq yillar mobaynida [Erkinning otasi] bolshevik niqobida yurgan. — T. Malik, Iblis devori

[Mutavalli] Yuzidagi gʻazab va norozilik alomatlarini joʻrttaga yoʻqotib, yasama shodlik niqobini kiyib olibdi. — S. Ayniy, Esdaliklar

Bu hol [Homidning] sirini ochar, yuzidagi niqobini olishga, raqiblar ila yuzma-yuz kelishga majbur etar edi. — A. Qodiriy, Oʻtgan kunlar

sft. Niqobi bor, niqob kiygan, niqoblangan.

ot ayn. Niqobli.

sft. Niqob kiymagan, yuzi ochiq.

1. Shovqinga qoʻshib foydali signalni yashirin uzatish, bunda oddiy vositalar bilan uni aniqlash imkoni boʻlmaydi.английскийmaskingрусскиймаскирование

2. Tovush balandligi yuqori boʻlgan fon signali mavjudligida, soʻzlashuvni eshitishning yomonlashuvi.

3. Obyektni jinoyatkorlar uchun kirib boʻlmaydigan (koʻrinmaydigan) yoki undan foydalanishni murakkablashtiruvchi harakatlarni bajarishga asoslangan obyektlarni muhofaza qilish uslubi.

4. Kompyuter nazariyasida, niqob bu binar operatsiyalar uchun ishlatiladigan maʼlumotdir. Niqobni ishlatish bu turli baytdagi bitlar yo yoqilishi yo oʻchirilishi, yo yagona binar operatsiyada yoqiqdan oʻchiqqacha oʻgirilishi (yoki aksi) dir. Niqob IP-manzillar bilan kompyuter nimtarmogʻini aniqlashda yoki kompyuter grafikasida, masalan, shaffof muhit koʻrinishini aniqlashda ishlatiladi.

fl. 1. Niqob tutib, tanib, bilib boʻlmaydigan, koʻrinmaydigan qilmoq.

Suvonjon qopqonni inning shunday oldiginasiga, tulki boshini chiqarishi bilan bir parcha goʻshtni koʻradigan qilib oʻrnatdi. Oʻt-choʻp bilan niqobladi. — S. Anorboyev, Oqsoy

2. harb. Qoʻshinlarni, harbiy obyektlarni dushmandan berkitish, oʻz harbiy kuchlari, ularning tarkibi, joylashish oʻrni haqida dushmanni chalgʻitish boʻyicha chora-tadbirlar koʻrmoq.

3. koʻchma Yashirmoq, pardalamoq.

Chet ellik baʼzi arboblar keyingi vaqtlarda zoʻr berib hiyla-nayrang ishlatmoqdalar, oʻz maqsadlarini va niyatlarini niqoblamoqdalar. — Gazetadan