Қидирув

от 1. Иш-ҳаракат, воқеа-ҳодисадан пировардида келиб чиққан оқибат; иш-ҳаракат, воқеа-ҳодисадан келиб чиққан кўрсаткич.

Элмурод бўлар иш бўлди, энди тишни тишга қўйиб, натижани кутиш керак, деб ўзини овутди. — П. Турсун, Ўқитувчи

2. с. т. Фойда, наф; самара.

Тўсатдан бошланган ҳужум яхши натижа бермади. — И. Раҳим, Чин муҳаббат

Пўлат отанинг тепасига келиб, уни ғазабга олишди, аврашди — натижа чиқмади. — К. Яшин, Ҳамза

3. Фикр, муҳокаманинг мантиқий якуни; хулоса.

Натижа чиқармоқ. Натижага келмоқ.

Кўринишдан натижа чиқариб айтганда, бу қизиқ мажлис унинг [Кумуш] учун базм ўрнини эмас, аза жойини тутганди. — А. Қодирий, Ўтган кунлар

адв as a result (of), as a consequence of, in consequence of, owing to, on account of

сфт. Яхши натижа берган ёки берадиган; самарали.

Натижали иш.

сфт. Натижаси ёʻқ, самарасиз: бенатижа.

Натижасиз уриниш.

Отабекнинг ўша вақтдан сўнгги Марғилон қатнашлари фақат натижасиз, қуруққина бир қатнаш эди. — А. Қодирий, Ўтган кунлар

фл. Натижа чиқармоқ, якун ясамоқ; натижага, хулосага келмоқ.

Гапни натижаламоқ. Текширувни натижаламоқ. Имтиҳонлар анча қувончли якунлар билан натижаланди.

Отабекнинг бу синаши ўз фикрининг тўғри бўлиши билан натижаланди. — А. Қодирий, Ўтган кунлар

фл. Натижаламоқ феълининг мажҳул нисбати.