Қидирув

олм. 1. Сон-миқдор ҳақида сўроқни билдиради; қанча?

Костюм неча сўм туради? Соат неча бўлди? Заводда неча йил ишладингиз? Бир неча одам. Бир неча вақт. Фарғонага неча марта боргансиз? Мен буни сенга неча марта айтдим!

Хон жанобларидан сўрайдирган бир неча тилакларим бор. — А. Қодирий, Ўтган кунлар

2. Ҳис-ҳаяжонни билдирувчи гапларда миқдорнинг сон-саноқсизлигини, кўплигини билдиради.

[Холмат:] Мен сизнинг ишқингизда неча йилдан бери куйиб юрибман-а. Энди бундан ортиқ чидашга ҳеч тоқатим ёʻқ. — Ҳамза, Танланган асарлар

Поезд неча соат ёʻл юргандан кейин ана шу бекатчаларнинг бирига келиб тўхтади. — А. Қаҳҳор, Асарлар

1. сўр. олм. Белги ҳақидаги сўроқни билдиради; қандай?, қанақа?

Сизни нечик шамол учирди?

Қулоқ солгин, нодон қўзим, сўзимга, Нечик энди айш-у ишрат айлайин? — Равшан

2. гум. олм. Сабаб ҳақидаги сўроқни билдиради: нима учун? нима сабабдан?

Шу кечаси нечик унда бўш вақтларини бундан сўнг ёзиш-чизиш ишига сарф қилиш фикри қўзғалди. — А. Қаҳҳор, Сароб

олм. сўр. олм. Шахс, киши сони, миқдори ҳақидаги сўроқни билдиради.

Сизлар нечов?

От суриб бу майдон ичра турарман, Сендай нечовларнинг додин берарман. — Ширин билан Шакар

олм. сўр. олм. Дона, миқдор ҳақидаги сўроқни билдиради.

Нечта китобинг бор?

— Арава бордими? — деди Ўрмонжон каттакон рўмолчаси билан юзини, бўйнини артиб. — Нечта арава борди? — А. Қаҳҳор, Қўшчинор чироқлари

с. Т. Нечик? қандай, нима учун?

Аҳволингиз нечук? Нечук, шуни ҳам билмайсиз?

Ҳеч кимдан садо чиқмади. Ҳамма, нечукдир, ўнғайсизланар, қимтинар, ерга қарар эди. — А. Қаҳҳор, Асарлар

Нима учун?, нима сабабдан?, нега?

Мен нечун севаман Ўзбекистонни, Тупроғин кўзимга айлаб тўтиё. — А. Орипов, Юртим шамоли