Қидирув

от 1. Пулини дарҳол тўлаш шарти билан бўлган ёки бўладиган савдо муомаласи.

Нақдга олмоқ. Нақдга сотмоқ.

2. Қўлда, ихтиёрда бор, фойдаланиш ёки муомалага киритиш учун тайёр.

Нақд пул. Нақд қилмоқ.

Сафохон тўра-чи? Бу зот унинг эзгу ниятини қувватлабгина қолмай, қўлига нақд маблағ ҳам тутқазди! — К. Яшин, Ҳамза

— Бўлди, адаш, бўлди! — деди Колянинг олдига борган Қудрат дўпписини осмонга ташлаб. — Рухсат арава ҳам нақд!. — Назир, Сўнмас чақмоқлар

Сойма-сой жилиб, ерларни бир-бирига қўша-қўша, ҳозир эллик гектарни нақд қилдик. — Ҳ. Назир, Маёқ сари

3. Аниқ, ҳал бўлган, тайёр.

[Фотима:] Ўқишга кириши нақдга ўхшайди Пешонам қурсин сени катта қилиб берганим кам экан, энди боласини ҳам катта қилиб бераман, шекилли. — А. Қаҳҳор. Асарлар.

эск. кт. Нақд пул.

Ўғлим, энди бозор-ўчарнинг ҳам пайидан бўлинг. Нақдина пул — ҳам енгил, ҳам қиммат, ҳам яширишга осон бўлади. — Ғ. Ғулом, Шум бола

арабчаنقدا, NaqdanрусчаналичныеинглизчаCash

фл. Нақд қилмоқ, тайёр қилмоқ.

Кўмир келган бўлса-я? Эсингни едингми, Қодир, сенга кўмирни нақдлаб турибдими шу топда, — ўзини ўзи койирди [Қодирхўжа], — Яна бирон корхона келаётгандир, кутиб олиш керак. — Р. Файзий, Ҳазрати инсон

фл. Нақдламоқ феълининг мажҳул нисбати.

Наличные деньги