от 1. Ўрта Шарқ, Марказий Осиё мамлакатларида Мадраса таълимини олган шахс.
Мадрасани тугатгач, ошиқлар ёр васлига ошиққандек, мулла Абдураҳмон ҳам ўз шаҳрига елиб-югуриб етди. — А. Қодирий, Меҳробдан чаён
2. Дин арбоби, уламо.
Мулланинг айтганини қил, қилганини қилма. — Мақол
Чўриликни муллалар сенга қилдилар тақрир [қарор]. — Ҳамза
Бухоро шаҳрида Мирараб мадрасасининг миён саройида кўп муллалар тўпланишиб, мадрасанинг вақфи тўғрисида гапиришмоқда эдилар. — С. Айний, Қуллар
3. с. т. эск. Маълумотли, ўқимишли киши.
Айтайлик, менинг хизматкорим мулла бўлди-ю, оми бўлди — менга бари бир эмасми? — К. Яшин, Ҳамза
— Ҳа, мулла, чарчамасдан, сиқилмасдан юрибсанми? Мунча озиб кетибсан? — деди қори [Элмуродга]. — П. Турсун, Ўқитувчи
4. Ҳурмат юзасидан мурожаатда, гаплашганда, кишининг исмига қўшиб айтилади.
— Дунёнинг иши шунақа экан, мулла Али! — деб уни юпатиб қўйди [Отабек]. — А. Қодирий, Ўтган кунлар
Лоақал бир кафт тупроқ ташласангиз-чи, мулла йигит! — Ў. Ҳошимов, Қалбингга қулоқ сол
- Мулла бўлмоқ 1. Ўқиб, маълумотли бўлмоқ, ўқимишли бўлмоқ. У ўқиб, мулла бўлиб, бирор шаҳарни олиб берармиди менга! — К. Яшин, Ҳамза;Қамоқдан жиндак бўлса ҳам мулла бўлиб қайтганлигим шу лаҳзада кучини кўрсатди. — Х. Лутфуллаев, Бахти кулган йигит
- Мулла қилмоқ 1. Мадраса маълумотини бермоқ. — Хўп, қизим, хўп, поччаси боқмаса боқмасин, мен ўзим боқаман, ўқитиб, катта мулла қиламан, — деди Моҳлар ойим. — А. Қодирий, Меҳробдан чаёнМавлон Мусаевич ўрнидан турди. Ўзича Зумрадни бир мулла қилиб қўймоқчи бўлди. — С. Сиёев, Отлиқ аёл
- Мулла жиринг, муллажиринг Сенга ўхшаш, менга ўхшаш мойжувози борлар солиқ тўламай қўйса, советнинг ҳамёнига мулла жиринг қаёқдан тушади? — П. Турсун, Ўқитувчи
- Мулла минган эшакдай Азиза ҳам эри бир кунмас-бир кун мулла минган эшакдай, ювош тортиб келишини кутиб юрди. — Ў. Ҳошимов, Қалбингга қулоқ солҚамоқда эзилса, мулла минган эшакдай бир кунмас-бир кун балки чиқиб келар — Ойбек, Танланган асарлар.