от 1. Ҳодиса, воқеа (асо-сан, салбий воқеа-ҳодиса ҳақида).
Даҳшатли можаролар.
Зайнабнинг жинни бўлиб оғаси томонидан ушланиб, кишанга солинган можароси эшитилди. — А. Қодирий, Утган кунлар
Мактаблар бўлди вайрон, Иморатлар хароба. Бу офат можарога Кўҳна фалак ҳам ҳайрон. — М. Шайхзода
2. Кишининг бошидаги, бошидан кечган ташвиш, саргузаштлар.
Абдурасул ўз бошидан кечган можароларни сўзлашга киришди. — П. Турсун, Ўқитувчи
Бир вақтлар ишқ можароларини ёлғиз эртаклардан тинглаган Гулнор энди ўзи ишқнинг олов кўйлагида яшар эди. — Ойбек, Танланган асарлар.
3. Жанжал, тортишув, ғалва.
Шарофат Сидиқжоннинг ғашига тегмоқчи, шу ерда бирон можаро бошлаб, дод солмоқчи эди. — А. Қаҳҳор, Қўшчинор чироқлари
Ёʻлда хотини билан тонгда бўлган можарони эслаб, кўнгли бадтар хижил тортди. — Қ. Кенжа, Нотаниш гул