ot 1. Vaqtning aniq, biror ish, narsa uchun belgilangan boʻlagi.
Oʻqish muddati. Xizmat muddati. Bir yillik muddat.
Xayriyatki, shundan sal oldin imtihonlarni muddatidan oldin topshirib tugatgan edi. — P. Qodirov, Uch ildiz
Shu yigirma besh kunlik bir muddatning ichida u butunlay odamgarchilikdan chiqa yozdi. — A. Qodiriy, Oʻtgan kunlar
2. Umuman, vaqtning boʻlagi, qismi (uning qancha vaqt ekanligi maʼlum soʻzlar bilan ifodalanadi).
dunyo qoyil qoladigan madrasani tez muddatda qurib bitirishni niyat qilibdi. — Shukrullo, Javohirlar sandigʻi
Katta maydonga qisqa muddatda oʻgʻit solib ulgurishimizga qoʻlbola mashina-seyalka asqatdi. — Oʻzbekiston qoʻriqlari
Bir yil muddatida u Toshkentga ikkinchi marta keldi. — Oybek, Tanlangan asarlar
Mehmonlar yana bir necha muddat teplitsani aylanishdi. — J. Abdullaxonov, Oriyat
3. Biror narsaning bajarilish yoki boʻlish payti.
Rejani muddatidan oldin bajarmoq.
U Zamiraning sessiyani muddatidan oldin va aʼlo yakunlaganini bilardi. — P. Qodirov, Uch ildiz
Tomoshani muddatidan oldin qoʻysam — qutulmasam, kech qoʻysam — qutulmasam — Mushtum
- Bir muddat boʻlsa Ozgina vaqt. Shamsi Toʻrayevich bir muddat sukut saqlab qoldi. — N. Aminov, SuvarakQoramtir tutun bir muddat ichida burqib, osmonga oʻrladi. — Saodat