Qidiruv

sft. 1. Ichkilik yoki nasha, qoradori va shu kabilar taʼsirida kayf qilgan, kayfi bor.

Mast odam. Bir mastga tegma, bir — jinniga. — Maqol

Tantiboyvachcha anchagina mast boʻlib, ogʻziga kelganini valdirashga boshladi. — Oybek, Tanlangan asarlar

Hozirgina kulib turgan mast Komil birdan hoʻngrab yigʻlab yubordi-da, tili gapga kelmay gʻoʻldiradi. — H. Gʻulom, Mashʼal

2. Jins jihatidan uygʻongan; kuyikkan.

Devsifat kishi., mast boʻlgan tuyaday, ogʻiz koʻpirtib kelar edi. — M. Ismoiliy, Fargʻona t. o.

3. koʻchma Qattiq taʼsirlanib, zavqlanib kayf qilgan, nashʼaga choʻmgan.

Yigit shiftga qarab yotganicha, shirin orzularga mast boʻldi. — I. Rahim, Chin muhabbat

U qoʻshiq kuyladi yor shaʼniga mast, Shoʻxchan sheʼrlar aytdi sevgi nomidan. — A. Oripov

ot 1. Kishilarga oʻgit boʻladigan, xulosali, kichik majoziy hikoya.

Krilov masallari. Oʻzbek xalq masallari.

Toʻplamda shoirning eng sara masallari jamlangan. — Gazetadan

2. esk. kt. Matal; maqol.

Kuyida men tosh boshimni urmagan ostona yoʻq. Elda bor shunday masal: jon chekmasang, jonona yoʻq. — E. Vohidov

ot 1. Biror faoliyatni puxta oʻrganish, malaka hosil qilish uchun bajariladigan ish, tayyorgarlik mashgʻuloti.

Harbiy mashq. Mashq qilmoq.

Sidiqjon koʻkragini sandalga berib, xat mashq qilar, Kanizak uning roʻparasida kitob oʻqib oʻtirar edi. — A. Qahhor, Qoʻshchinor chiroqlari

— Ish yomon, — dedi kelgan militsioner, —

koʻpi mashq koʻrmagan, hali miltiq otishni bilmaydigan militsionerlar, qoʻlidan nima kelar edi. — S. Ayniy, Qullar

Uzoq mashqlar bekor ketmagan edi. Xonning qoʻshini goʻyo bir tan, bir jon boʻlib harakat qilar edi. — P. Qodirov, Yulduzli tunlar

2. Maʼlum maqsadda bajariladigan, qilinadigan muayyan ish, harakat.

Imloga oid mashqlar. Jismoniy mashqlar.

Bolalar bir-birlarining qoʻllarini ushlashib, gimnastika mashqlarini yengil va chiroyli bajaradilar. — Gazetadan

ot 1. Yuzga tutiladigan, odam yoki hayvon qiyofasi tasvirlangan maxsus niqob.

2. Oʻzini tanitmaslik uchun (maskarad va shu kabilar tomoshalarda) yuzning yuqori qismini berkitadigan, koʻz uchun ikki teshik ochilgan maxsus parda.

Qora maska. Maska kiymoq.

3. Himoya uchun yuzga (ogʻizga, burunga) tutiladigan maxsus moslama.

Protivogaz maskasi. Jarroh maskasi.

4. Oʻlgan odamning yuzidan gips (ganch) vositasida olinadigan quyma nusxa, tasvir.

5. Kosmetikada; yuz va boʻyin terisini yaxshilash, parvarishlash uchun maʼlum narsalar aralashmasidan tayyorlangan pardoz vositasi.

6. Qilichbozlik, xokkey va boshqalar sport turlarida sportchining yuzini jarohatlardan saqlovchi himoya anjomi.

ot 1. fiz. Mexanikaning eng muhim fizikaviy xossalaridan biri; materiya (jism)ning inertlik va gravitatsion xossalarini ifodalaydigan fizik kattalik.

Massa bilan bir qatorda energiya ham fizika fanining asosiy tushunchalaridandir. — Fan va turmush

2. maxs. Yaxlit yoki boʻtqasimon jism yoki modda.

Amudaryo suvi loyqa. U kanaldan oqa boshlagach, unga loyqa oʻtirib, berch massaga aylanadi. — Gazetadan

Muz massasining qalinligi aniqroq oʻlchandi. — Gazetadan

sft. 1. kt. Baxtli, saodatli.

Esini tanigandan boshlab onasi bilan kechirgan zamonlar masʼud, lekin qaytarilmas bir tush kabi Yoʻlchining koʻz oldidan bir-bir oʻtadi. — Oybek, Tanlangan asarlar

Kampir iyagiga hassasini tirab, oʻsha masʼud va mashʼum tunlar ogʻushida singib ketdi. — S. Ahmad, Oʻylar

2. Masʼud (erkaklar ismi).