mashq
машқmashq I
ot 1. Biror faoliyatni puxta oʻrganish, malaka hosil qilish uchun bajariladigan ish, tayyorgarlik mashgʻuloti.
Harbiy mashq. Mashq qilmoq.
Sidiqjon koʻkragini sandalga berib, xat mashq qilar, Kanizak uning roʻparasida kitob oʻqib oʻtirar edi. — A. Qahhor, Qoʻshchinor chiroqlari
— Ish yomon, — dedi kelgan militsioner, —
koʻpi mashq koʻrmagan, hali miltiq otishni bilmaydigan militsionerlar, qoʻlidan nima kelar edi. — S. Ayniy, Qullar
Uzoq mashqlar bekor ketmagan edi. Xonning qoʻshini goʻyo bir tan, bir jon boʻlib harakat qilar edi. — P. Qodirov, Yulduzli tunlar
2. Maʼlum maqsadda bajariladigan, qilinadigan muayyan ish, harakat.
Imloga oid mashqlar. Jismoniy mashqlar.
Bolalar bir-birlarining qoʻllarini ushlashib, gimnastika mashqlarini yengil va chiroyli bajaradilar. — Gazetadan
- Mashq qilmoq Mashq tarzidagi ish, harakat va shu kabilarni bajarmoq. Tirishib mashq qilishim orqasida ham saboq oʻrtoqlarim orasida insho yozishda peshqadam boʻldim. — N. Safarov, Olovli izlarGʻanisher bugun uyqudan tiniqib turdi, oldinga va orqaga engashib mashq qildi. — Oʻzbekiston qoʻriqlari
- Mashqini olmoq Yaxshi malaka hosil qilmoq, havosini olmoq, obdan egallamoq. U 1930 yillar qishloq sovetiga kotib boʻlganidan beri majlislarda soʻzlash mashqini olgan edi. — S. Ahmad, Qadrdon dalalar.
mashq II
ot 1. Cholgʻu kuyi va uning ijrosi.
Sozandalar uzoq mashqdan keyin tanaffus qildilar va cholgʻularini qoʻyib, choy icha boshladilar. — P. Tursun, Oʻqituvchi.
Yoʻldosh otaga chalib bergan mashqingiz hali ham qulogʻimdan ketmaydi. — S. Ahmad, Xazina.
2. koʻchma Kishining kayfiyati, shaxti.
Dadavoyga qizining mashqi past, ruhan ezilganroq tuyuldi. — H. Gʻulom, Toshkentliklar.