Қидирув

от тиб. Юракнинг қисқариши натижасида ундан келаётган қон оқими таъсири билан қон томири деворчаларининг ритмик силкиниши, тепиши, уриши, шунингдек, баданнинг томир тепкиси сезиладиган жойи.

Пулс — саксон. Беморнинг пулсини кўрмоқ. Пулсни ўлчамоқ.

от Темир ёʻл транспорти, трамвай, кўтарма кран, вагонетка ғилдираклари юрадиган пўлат из.

Трамвай релслари.

У болалари билан поезд келишини релс устида кутиб ўтирди. — Газетадан

от 1. Одатда жуфт-жуфт бўлиб, уч тактда бир айланиб, оҳиста давра олиб ўйналадиган равон ва вазмин рақс ва шу рақс мусиқаси.

Қадаҳлар жаранглар юзлар худди чўғ. Радио валсидан дилларда туғён. — Ж. Жабборов

2. Уч чоракли мусиқа асари.

Денгиз тўлқинида тиниқ бир куй янгради. Штраус Мовий Дунай валси, — деб ўйлади Алимардон. — Ў. Ҳошимов, Қалбингга қулоқ сол

сфт. 1. Ақли ёʻқ, беақл.

Мусулмонқул ўзини мингбоши эълон қилиб, ақлсиз бир гўдакни [Худоёрни] хон кўтариб, эл елкасига минди. — А. Қодирий, Ўтган кунлар

2. Ақл ишлатмасдан қилинган, аҳмоқона.

— Бундоқ ақлсиз ишларни қўяйлик, хотин! — деб мулойимона сўзлаб кетди [Ҳожи]. — А. Қодирий, Ўтган кунлар

сфт. Ҳолдан кетган, мадори қуриган; дармонсиз, заиф.

Арча сандиқ ёнидаги намат устида ҳолсиз чўзилиб ётган бу одамнинг юз-кўзи-ю уст-боши қандай — билиб бўлмас эди. — А. Мухтор, Қорақалпоқ киссаси

Йигитали ҳолсиз оёқларини судраб, эмаклаётгандай, яна олдинга интилди. — Д. Нурий, Осмон устуни

от 1. Нерв қўзғатувчилари фаолияти туфайли нерв толалари бўйлаб тарқаладиган қўзғалиш; ички интилиш, туртки.

Минерал сув таркибида бўлган турли қўзғатувчиларнинг терига таъсири марказий нерв системасига борувчи импулсларни пайдо қилади. — Фан ва турмуш

2. физ. Ҳаракат миқдори (жисм массаси ва тезлиги кўпайтмасига тенг бўлган миқдор).