Қидирув

сфт. 1. Суғорилмайдиган, сувсиз, ёғиндан сув ичадиган; баҳори (ер ёки ғалла ҳақида).

Турбат қишлоғининг кўп ерлари сувсиз бўлиб, аҳолиси лалми буғдой жар эди. — М. Муҳаммаджонов, Турмуш уринишлари

Лалми даштга ёʻл олдим. — Т. Мурод, От кишнаган оқшом

2. кўчма шв. Қуруқ.

Мен катталар хўжа кўрсинга лалми дўқ уриб кетди, дея ўйладим. — Т. Мурод, От кишнаган оқшом

Кўп лалми дўқ қилаверма — М. Ҳазратқулов, Журъат

Бекорга ҳам халқда, лалмига ҳатто қиз берма, деган гап юрмайди. — Н. Қобил, Унутилган соҳиллар

от 1. Ёғин сувидан фойдаланиб деҳқончилик қилинадиган; ёғин суви билан унадиган, суғорилмайдиган.

У ер лалмикор ҳамда у тепага на машина, на комбайн чиқа олар, ерни қўшда ҳайдаб, донни ҳам ҳўкизлар туёғида янчиб олишарди. — Ш. Холмирзаев, Оғир тош кўчса

2. Лалми экинлар экиш билан шуғулланувчи деҳқон.

Лалмикорлар мўл буғдой ҳосили олдилар.

от 1. Лалми экинлар экиладиган ерлар.

2. Лалми экинлар экиш иши.

суғориладиган деҳқончилик ҳудудида қишлоқ хўжалик экинлари суғоришсиз етиштириладиган ерлар.