Поиск

ot 1. Kelib ketuvchilar, odamlarning kelish-ketish qatnovi (biror yigʻin, toʻy, maʼraka va shu kabilarda yoʻqlash munosabati bilan).

Ziyofat va keldi-ketdi kechasi alla-pallagacha davom etdi. — Oybek, Oltin vodiydan shabadalar

Keldi-ketdi boʻlib, Nizomjon uch-toʻrt kun Dildor bilan bafurja uchrasha olmadi. — S. Ahmad, Ufq

2. Umuman, muayyan joyga odamlarning davomli tarzdagi kelish-ketishi; kelib-ketayotgan odamlar.

Doʻkon ayvonlaridagi ustunlarga suyangan azamatlar dam-badam esnashib, shunday yogʻingarchilik kunlari ham qishloq markazida avj oladigan keldi-ketdi, savdo-sotiqni tomosha qilardilar. — P. Tursun, Oʻqituvchi

ot 1. Bir-birinikiga borib-kelib turish, borish-kelish, oʻzaro yaqin aloqa.

Keyin-keyin oilaviy bordi-keldiga ham oʻtdilar, eski ginalar unut boʻldi. — E. Aʼzamov, Javob

Ikki tomon — ota-onalarimiz orasida bordi-keldi boshlanib ketdi. — P. Tursun, Oʻqituvchi

Oʻsha vaqtlarda Zokir Faridani unutish uchun Lola bilan bordi-keldi qila boshlagan edi. Ochil buni koʻrib, tutab ketdi. — P. Qodirov, Uch ildiz

2. Biror manzilga borib, undan qaytib kelishgacha boʻlgan masofa.

Hozir boramiz, bordi-keldisi mashinada bir yarim soatlik yoʻl. — A. Qahhor, Asarlar

3. koʻchma Turmushda uchrab turadigan mayda-chuyda, ikir-chikir tashvishlar, mashaqqatlar.

Ergash hali goʻdak edi, dunyoning bordi-keldisini bilmas edi. — P. Tursun, Oʻqituvchi

Yunusali ota shu kungacha ularning bordi-keldi gaplariga aralashmay, chidab kelardi. — S. Ahmad, Ufq

taʼzim qilish uchun keldi

xizmatimga keldi

Пришло горе — отворяй ворота.