Qidiruv

ot 1. Har jihatdan toʻkislik; mukammallik, yetuklik.

Kamtarga — kamol, manmanga — zavol. — Maqol

Yetimlik ayb emas, inson uchun fazl-u kamol lozim. — A.Qodiriy, Mehrobdan chayon

Bular ikkalasiyam kamtarlik kamol keltirishini bilishadi. — S. Karomatov, Soʻnggi barxan

dunyoviy ilmga oshna etadigan maktablar ochib, farzandlarimizning kamolini tilasak. — S.Siyoyev, Avaz

2. Kamol (erkaklar ismi).

ot 1. Yetuklik, mukammallik.

Jismoniy kamolot. Maʼnaviy kamolot.

Bunchalik kamolot, ayt-chi, kimda bor, Kimda bor bunchalik latofat, husn. — A. Oripov

Spartakiada sportchilarimiz uchun jismoniy kamolot koʻrigi boʻldi. — Gazetadan

2. Yuksalish, rivoj.

Hakim oʻz siyosiy-maʼnaviy hayotining yangi kamolot bosqichiga koʻtarildi. — Guliston

Ha, u [Alimardon] kamolot pogʻonalaridan tez, ishonch bilan koʻtarilib borardi. — Oʻ. Hoshimov, Bahor qaytmaydi

Sherali ham xuddi shu ahvolda, uning uchun insoniyat kamolotining choʻqqisi — Sabogul! — S. Karomatov, Oltin qum

ot Ijobiy xislat(lar) va kamolot, fazl va yetuklik, balogʻat.

U oʻz xoʻjasining fazl-u kamolotini taqdirlab, unga xizmat qilishni oʻzi uchun bir sharaf deb hisoblar edi. — Oybek, Navoiy

sft. 1. Jismoniy va aqliy jihatdan kamolotga erishgan, voyaga yetgan.

Boʻlgan edi bir sohibchiroy, Oy singari toʻlin, barkamol. — Saodat

Bir Toʻlgʻonoy degan qizi bor edi, bu ham boʻyi yetib, barkamol boʻlib qolgan edi. — Oysuluv

Malika Oqqizning shunday barkamol yigitga tegayotganidan hasad qilmasdi. — M. Mahmudov, Mangu kuy izlab

2. koʻchma Yetuklikka erishgan, kamol topgan, bekam-u koʻst, mukammal.

U yurakning oʻzidek hassos, Tabiatdek edi barkamol. — E. Vohidov

Ota oʻz orzusiga erishdi — farzand barkamol zot boʻlib yetishdi. — Yoshlik

Tabiat uni barkamol etib yaratmish: husn-u malohati-yu aql-u zakovati bir-biridan ziyoda. — S. Siyoyev, Avaz

Mahoratimni oshirish ustida olib borilgan ijodiy izlanishlar badiiy barkamol asarlarning vujudga kelishiga omil boʻldi. — N. Safarov, Olovli izlar