kamol
камолkamol
ot 1. Har jihatdan toʻkislik; mukammallik, yetuklik.
Kamtarga — kamol, manmanga — zavol. — Maqol
Yetimlik ayb emas, inson uchun fazl-u kamol lozim. — A.Qodiriy, Mehrobdan chayon
Bular ikkalasiyam kamtarlik kamol keltirishini bilishadi. — S. Karomatov, Soʻnggi barxan
dunyoviy ilmga oshna etadigan maktablar ochib, farzandlarimizning kamolini tilasak. — S.Siyoyev, Avaz
2. Kamol (erkaklar ismi).
- Kamol top(ing) yoki kamolga yet(ing) Mamnunlikni va muvaffaqiyat, kamolga erishish tilagini bildiradi. Kamol top, uka! Koʻnglingga kelmasin-u, Boʻtavoy, aql yoshda emas, boshda, degan odam bilib aytgan. — A. Qahhor, Qoʻshchinor chiroqlari— Kamol toping! — dedi Hasan soʻfi xursand boʻlib. — M. Ismoiliy, Fargʻona tong otguncha.
- Kamol topmoq Yetuklik darajasiga erishmoq, kamolga erishmoq. Kamol topar odamzod, oʻyishgani haq boʻlsa. — T. SulaymonGarchand sochga qoʻndi bemahal qirov, Chiroying, irodang topoldi kamol. — Zulfiya