Izohli lugʻat
· yana 3 ta lugʻatda
ot 1. Qushlarning qiziloʻngachidagi ovqat toʻplanadigan va yumshatadigan buqoqsimon keng joy.
Xoʻrozchaning jigʻildoni mushtday shishib chiqdi. — M. Ismoiliy, Fargʻona tong otguncha
2. koʻchma Tomoq, qursoq (nafs haqida).
Jigʻildon xuruj qilgan yerda vijdonga yoʻl yoʻq. Uygʻun, — Hayot qoʻshigʻi
Undan hazar qiling: jigʻildoniga Ular oʻz onasin alishgan inson. — Shukrullo, Javohirlar sandigʻi.
- Jigʻildon bandasi (yoki ovorasi) Tomoq, nafs ovorasi; ochkoʻz, yebtoʻymas. Farmonqul koʻp bamaʼni edi-yu, ikki-uchta jigʻildon ovoralari uni yoʻldan urishdi-da. — S. Mahkamov, Shogird
- Jigʻildon qaynashi Baʼzi oshqozon-ichak kasalliklari natijasida meʼdaning qaynab achishuvi. Xamir ovqat yesam, jigʻildonim qaynaydi.
- Jigʻildonga urmoq yoki jigʻildondan oʻtkazmoq Yemoq, yeb yubormoq, tomoqdan oʻtkazmoq; birovning haqini yoʻq qilib, hazm qilib yubormoq. — Qiz boʻyga yetgandan keyin Mamasaid tayyor oshga bakovul boʻldi. Qalinini yeng uchida olib, jigʻildonga urdi-da, qizni uzatdi, — dedi Davlatyor. — P. Tursun, Oʻqituvchi