Қидирув

от 1. Бир-бири билан айтишиш, сан-манга бориш; можаро, ўзаро уришиш.

Аҳмад ўзини босди. Ўз фаолиятини жанжалдан бошлашни истамасди у. — Ф. Мусажонов, Ҳиммат

Ёдгор жанжал бўлмаслигини билар эди. — Ў. Ҳошимов, Қалбингга қулоқ сол

2. Бир-бири билан ҳақ талашиш, даъволашиш; даъво.

Жанжал комиссияси (эск.).

сфт. Жанжаллардан, можаролардан холи бўлмаган.

Жанжалли масала.

бир рутубатли оқшомда Заргаровни жанжалли обектлардан олиб қайтаётган эди, шу ерда тўхташга тўғри келди. — А. Мухтор, Бўронларда бордек ҳаловат

Жанжалли уйда барака, қут, файз бўлмайди, деб эскилар тўғри айтишади. — Ф. Мусажонов, Ҳиммат

Можаросиз, низосиз, бежанжал.

Қасам ич! Мен билан кетиб, қочмай, жанжалсиз турасанми, ёʻқ? [деди Мамат]. — Ҳамза, Паранжи сирлари

— Мана бу ишинг жойида, Бегим, — деди Бозоров кулиб. — Ахир шу ишни жанжалсиз қилсак бўлмасмиди? — И. Раҳим, Чин муҳаббат

сфт. Можарони, жанжални яхши кўрадиган, бўлар-бўлмасга низо чиқарадиган.

Жанжалкаш одам

Тўлқин Муҳиддинов яқингача шўх, қўрсроқ, жанжалкаш йигитлардан эди. — Газетадан

Сиз билан ғалати шароитда танишдик, бир жанжалкаш экан, деб ўйлаган бўлсангиз керак? — А. Мухтор, Туғилиш

от

Бола-чақали одам хотин устига хотин олса, уйда ҳар куни жанжал-сурон бўлиши шубҳасиз. — Ойбек, Танланган асарлар