Qidiruv

ot Maʼnaviy, ruhiy va jismoniy ezilish, azob-uqubat, kulfat.

Ayriliq jafosi.

[Gʻofir:] Axir, bu duolar, rivoyatlar niqobiga yashiringan zulmdan, jafolardan biz shoʻring qurgʻurlar kimga dod deymiz? Kimga? — Hamza, Boy ila xizmatchi

Toʻrt yil jafo chekkan vatandosh, oʻrtoq, Bu yilgi bayraming muborak endi. — Gʻ. Gʻulom

sft. Jafo, azob-uqubat, kulfat va ogʻirchiliklar bilan toʻlib toshgan, mashaqqatli.

Oʻqish — jafoli, keti — safoli. — Maqol

Shoir oʻzbek xalqining tarixiy kishilari obrazini, boy va goʻzal tabiatini, jafoli oʻtmishini, bugungi farovon turmushini tasvirlaydi. — Gazetadan

Bu asarlar boʻlgʻusi yozuvchini maftun etadi, unga oʻtmishning ogʻir mashaqqatini tortgan oʻzbek xalqining jafoli hayotidan koʻp narsalar oʻrgatadi. — OʻTA

sft. Jafo qiluvchi, ezuvchi.

Qolaversa, oʻzimizning shoir bobomiz Boborakim Mashrabning haq, haqiqat, adolat, muhabbat haqidagi, insofsiz hukmdorlar, zolimlar, riyokor shayx, zohidlar, jafokor hokimlar sir-u asrorini elga fosh qiluvchi otashin gʻazallarini kim bilmaydi?! — K. Yashin, Hamza

sft. 1. Azob-uqubatlar tortgan, boshidan kulfatlar, ogʻirchiliklar kechirgan, ezilgan.

Istar edi jafokash inson: Bahor kabi gullasa olam, Bahor kabi kulsa ozodlik, Barham topsa qullik, kishan, gʻam. — Uygʻun

2. koʻchma Mehnatkash, mehnatsevar.

Oʻlma, ey qoʻli qand, jafokash bogʻbon, Yashay ber, bogʻlarga chulgʻangan Vatan. — Gʻ. Gʻulom

Oramizda shunday beminnat, jafokash kishilar borki, ular katta-katta yumushlarni bajarib qoʻyishadi-yu, bu haqda maqtanishni yomon koʻrishadi. — Gazetadan

fl. Jafolamoq feʼlining majhul nisbati.

ot 1. Azob-uqubat koʻrish, kulfat, ogʻirchiliklarni boshdan kechirish.

Uning [Saodatning] kichik, koʻkishroq koʻzlari ogʻir mehnat, jafokashlik qiyinchiliklarga qaramay, oʻz gʻururini yoʻqotmagan uzun umrning tarixini jonli ifoda qilar edi. — Oybek, Tanlangan asarlar

2. koʻchma Mehnatsevarlik, mehnatkashlik.

Uning [Tolibjon akaning] siymosida mushfiq onadagi bolajonlikni, jafokashlikni, olijanoblikni koʻrasiz. — Gazetadan