Поиск

ot 1. Odamzod, bashar.

Inson — bu dunyoning aziz-u mukarram xilqati, mavjudotlar ichida sarvaridir. — Gazetadan

aqllilik, maʼnaviyat insonga xos eng muhim xususiyatlar boʻlib, ular insonning tarixiy mohiyatidan kelib chiqadi. — Sirli olam

2. Har bir yakka shaxs; odam.

Basharti Musulmonqul chin inson boʻlsa, insondan vahshiy tugʻilganini hech kim eshitgan chiqmas. — A. Qodiriy, Oʻtgan kunlar

3. Kimsaga (odatda, salbiy munosabatli) murojaat shakli.

Xoʻ, inson, bu nima nomaʼqulchilik, tilsiz jonivorda nima qasdingiz bor?! — Mushtum

sft. 1. Insonga, odamga xos.

Yuksak insoniy fazilatlar. Insoniy burch.

Sizning mollaringizga qaragan, hech qachon insoniy hurmat koʻrmagan, balki soʻkishingizni eshitib, kaltagingizni yegan, cheksiz xoʻrlangan bir insonni bilaman. — P. Tursun, Oʻqituvchi

Oʻzbekistonda istiqomat qilayotgan barcha millat vakillarining niyati buyuk bobolarimizdan qolgan ulugʻvor insoniy gʻoyalar va maʼnaviy qadriyatlar atrofida birlashib, buyuk kelajakni yaratishga oʻz ulushini qoʻshishdir. — Gazetadan

2. Insonparvar, odamparvar.

Bizning qonunlarimiz jahonda eng odil va insoniydir.

ot 1. Inson nasliga mansublik; odamlik.

Paranji ichida qul boʻlib kelgan ayollarni jamoat ishiga koʻplab tortinglar. Ularda insonlik huquqi, insonlik tushunchasini uygʻotinglar!!! — deb yozibdi ular. — P. Tursun, Oʻqituvchi

Umidsizlik seni insonlikdan chiqarmoqchi. Kimga kerak sening oʻliming? — I. Rahim, Chin muhabbat

2. Insonga xos yuksak fazilatga egalik.

Koʻp ofarin! Insonlikni koʻrsatding, Yovni yanchdi nafrating. — Yo. Mirzo

ot Inson nasli, insonlar.

Lekin Imom al-Buxoriy kabi allomalar bilan nafaqat bir qavm, millat, balki jamiki insoniyat faxr etadi. — Gazetadan

ot Insonga xos fazilat, xususiyat, tariqat.

Bas, nechun inson farzandi insoniylikni ixtiyor etmas? Nechun bir-birining koʻziga choʻp solur, bir-birining oyogʻidan tortur — S. Siyoyev, Avaz

Bu yuksak insoniylik barqaror ekan, bizni hech qanday dushman yengolmaydi. — R. Fayziy, Sen yetim emassan

sft. Inson sifatlariga ega; inson sifatlarini oʻzida jamlagan.