Қидирув

от 1. Одамзод, башар.

Инсон — бу дунёнинг азиз-у мукаррам хилқати, мавжудотлар ичида сарваридир. — Газетадан

ақллилик, маънавият инсонга хос энг муҳим хусусиятлар бўлиб, улар инсоннинг тарихий моҳиятидан келиб чиқади. — Сирли олам

2. Ҳар бир якка шахс; одам.

Башарти Мусулмонқул чин инсон бўлса, инсондан ваҳший туғилганини ҳеч ким эшитган чиқмас. — А. Қодирий, Ўтган кунлар

3. Кимсага (одатда, салбий муносабатли) мурожаат шакли.

Хў, инсон, бу нима номаъқулчилик, тилсиз жониворда нима қасдингиз бор?! — Муштум

сфт. 1. Инсонга, одамга хос.

Юксак инсоний фазилатлар. Инсоний бурч.

Сизнинг молларингизга қараган, ҳеч қачон инсоний ҳурмат кўрмаган, балки сўкишингизни эшитиб, калтагингизни еган, чексиз хўрланган бир инсонни биламан. — П. Турсун, Ўқитувчи

Ўзбекистонда истиқомат қилаётган барча миллат вакилларининг нияти буюк боболаримиздан қолган улуғвор инсоний ғоялар ва маънавий қадриятлар атрофида бирлашиб, буюк келажакни яратишга ўз улушини қўшишдир. — Газетадан

2. Инсонпарвар, одампарвар.

Бизнинг қонунларимиз жаҳонда энг одил ва инсонийдир.

от 1. Инсон наслига мансублик; одамлик.

Паранжи ичида қул бўлиб келган аёлларни жамоат ишига кўплаб тортинглар. Уларда инсонлик ҳуқуқи, инсонлик тушунчасини уйғотинглар!!! — деб ёзибди улар. — П. Турсун, Ўқитувчи

Умидсизлик сени инсонликдан чиқармоқчи. Кимга керак сенинг ўлиминг? — И. Раҳим, Чин муҳаббат

2. Инсонга хос юксак фазилатга эгалик.

Кўп офарин! Инсонликни кўрсатдинг, Ёвни янчди нафратинг. — Ё. Мирзо

от Инсон насли, инсонлар.

Лекин Имом ал-Бухорий каби алломалар билан нафақат бир қавм, миллат, балки жамики инсоният фахр этади. — Газетадан

от Инсонга хос фазилат, хусусият, тариқат.

Бас, нечун инсон фарзанди инсонийликни ихтиёр этмас? Нечун бир-бирининг кўзига чўп солур, бир-бирининг оёғидан тортур — С. Сиёев, Аваз

Бу юксак инсонийлик барқарор экан, бизни ҳеч қандай душман енголмайди. — Р. Файзий, Сен етим эмассан

сфт. Инсон сифатларига эга; инсон сифатларини ўзида жамлаган.