Поиск

ot Ruhan ezilish, siqilish holati; ruhiy azob.

Ogʻir oʻylar iztirobidanmi, uyqusizlikdanmi lanj boʻlib turdim. — S. Siyoyev, Yorugʻlik

Sen shu kunlarda juda qattiq alam, iztirobdasan, asabing buzuq. — Shuhrat, Shinelli yillar

Uni tanholik, gʻariblik, yoʻqsizlik iztirobi kemiradi. — Oybek, Tanlangan asarlar

sft. Iztirobga soluvchi, ruhan ezuvchi.

Iztirobli soʻzlar. Iztirobli chehra.

Iztirobli ayriliqda jafo cheka-cheka, sevgilisi yoniga olam toʻla quvonch bilan qaytgan shoʻrlik oshiq yorini vafosizlik-da koʻrib qanday holatga tushsa Gʻulomjon ham hozir shunday holatda edi. — M. Ismoiliy, Fargʻona tong otguncha.

ot ayn.

Kishining ichki hissiyotini yuzidagi oʻzgarishlardan tezda payqab oluvchi Islomxoʻja qizidagi alam-iztirobning izlarini darhol sezdi. — J. Sharipov, Xorazm

sft. Parvo qilmagan holda, iztirob chekmasdan, loqayd.

Aslida-ku Beiztirob hoʻplab qora qahvani, Derazadan oq tan janob Kuzatar mojaroni. — E. Vohidov