Qidiruv

Information Systems Security AssociationruschaАссоциация защиты информационных систем (США)oʻzbekchaAxborot tizimlarini muhofaza qilish uyushmasi (AQSH)

ot 1. Maʼlum maqsad bilan boʻlingan, qismlarga ajratilgan narsaning har bir boʻlagi, qismi; qism, boʻlak.

Hosilning toʻrtdan uch hissasi.

Keyin loyqa suvda baliq tutib, oʻziga katta hissani qoʻporadi. — Oybek, Tanlangan asarlar

2. Muayyan shaxs yoki narsaning haq-huquqi, imkoni; tan, chek.

Majididdin oʻz hissasiga tushgan tumanlarni sanab chiqdi. — Oybek, Navoiy

3. ayn. Ulush 1.

Oʻz hissasini ortigʻi bilan oldi.

Ilgariga, hech boʻlmasa, har kimga oʻz hissasi tushadi, degan umid bor edi. Endi uch xotinga bir hovuchdan yer, qolgan hammasi Zebixonga — Choʻlpon, Kecha va kunduz

Madrasa vaqfidan kutubxonador uchun ham hissa tayin qilganlar. — S. Ayniy, Esdaliklar

4. Biror narsa, umumiy ish va shu kabilarni tashkil etuvchi qism; unga qoʻshiladigan qism; ulush.

Bu ishda mening ham munosib hissam bor.

Islom madaniyatini rivojlantirishga katta hissa qoʻshgan muhtaram zotlarning nomlari butun olamga mashhur. — Gazetadan

Ushbu nashrga Lutfiyning oʻzbek klassik sheʼriyati taraqqiyotiga zalvorli hissa boʻlib qoʻshilgan ajoyib sheʼriy merosidan namunalar kiritildi. — Gazetadan

5. esk. Biror tashkilot yoki toʻdaga qoʻshilish, sherik boʻlish yoki aʼzo boʻlish uchun kirish haqi sifatida toʻlanadigan haq, pay.

6. Marta, barobar.

Uch hissa ortiq. Daromad oʻtgan yilgiga nisbatan ikki hissa koʻpaydi.

Burnogʻi yili sanoat korxonalari ikki yarim hissa mahsulot yetkazib berdi. — Gazetadan

shunday voqealar sodir boʻldiki, bular dahshatli afsonadan ming hissa yomonroq boʻlib, ularni daf qilishga soʻfilarning azoni ham kor qilmay qoldi. — P. Tursun, Oʻqituvchi

ot 1. esk. Ogʻzini boʻgʻish uchun maxsus ip oʻtkazilgan, mato yoki charmdan ishlangan kichik xaltacha.

Elchi, xonlarning kissalarini oltin, qoʻyinlarini vaʼdalar bilan toʻldirib, maqsadiga erishganga oʻxshaydi. — M. Osim, Karvon yoʻllarida

2. shv. Choʻntak.

Sherali kissasidan bloknotiki olib, chiroq shuʼlasiga yaqin bordi-da, unga bir nimalarni yozib qoʻydi. — M. Muxamedov, Qahramon izidan

ot 1. ad. Asar asosida yotgan qamrovning romanga nisbatan torligi, hikoyaga nisbatan kengligi, shunga muvofiq holda, syujet va kompozitsiyaning ham romanga nisbatan soddaligi, hikoyaga nisbatan murakkabligi bilan xarakterlanuvchi badiiy asar.

Avtobiografik qissa. Tarixiy qissa. Fantastik qissa.

Yoshlar yaratayotgan roman, qissalar, ocherk, hikoyalar aksariyatida etik isteʼdodning yorqin ifodasi bor. — X. Yodgorov, Hayot toʻlqinlari

2. ad. Oʻzbek mumtoz adabiyotida voqeiy hodisa yoki afsonalar bayon qilingan epik asar; hikoya, rivoyat.

Qissai Sayfulmuluk. Durbekning Yusuf va Zulayho qissasi.

3. s. t. Biror narsa, kimsa, voqea-hodisa va shu kabilar haqida ogʻizdan ogʻizga koʻchib yuradigan hikoya, naql.

Rahimaxonning qissasi juda uzoq. Uning murakkab va mashaqqatli yoʻli haqida katta kitob yozsa arziydi — N. Safarov, Raisa

Qudrat maroqli boʻlgan sharq ertaklari, qissalar va latifalar aytib, soldatlarni toza kuldirdi. — Z. Fatxullin, Soʻnmas yulduz

oʻzbekchaHisor togʻruschaГиссар гора

esk. kt. Shunday qilib, xullas kalom; qisqasi, xullas.

Alqissa, toʻy toʻgʻrisida volida birlan maslahatlashdi — A. Qodiriy, Gʻirvonlik Mallavoy