Қидирув

фл. 1. Ҳидни бурунга тортмоқ; ҳидламоқ.

Ҳайдар ота бир туп садарайҳонга қўл уриб искади. — А. Қаҳҳор, Асрор бобо

Искав кўрсам, тоза боғнинг гулисан, Қай шаҳарда, қандай бекнинг ўғлисан? — Ширин билан Шакар

2. Ҳид олмоқ, ҳидидан изламоқ (ит ҳақида).

Раҳим, елкасида халта, бедазор ёнида турар, Тарзан эса тизза бўйи ўсиб гуллаган кўм-кўм беда ичида бир нимани искаб юрарди. — Ҳ. Назир, Сўнмас чақмоқлар

3. кўчма Пайқамоқ, сезмоқ.

Ҳа, айёр чўлоқ, искабсан дарров! Бир маҳалладан бир қизни олиб қочишди. Бойваччанинг хизматкорининг қизи эмиш — Ойбек, Танланган асарлар

от Ёғоч, тахтани ўйиш, тешиш учун қўлланадиган, учи япалоқ ўткир пўлат асбоб.

У [отам] чархнинг парраги ўтказиладиган тешикларни искана билан ковламоқда эди. — С. Айний, Эсдаликлар

от Белгили меъёр, ўлчов; андоза.

Искартга келмоқ.

Энди ташвишнинг кўплигини айтинг: искартдан ортиқроқ ёмғир ёғса, экиндан айрилиб қоламанми, деб жонимни ҳовучлаб, нуқул қурбақа ўлдираман. — А. Қаҳҳор, Қўшчинор чироқлари

от 1. Нарсаларни сиқадиган, жипслайдиган асбоб.

2. кўчма Сиқиқлик, сиқув; азоб-уқубат.

Бикажонбика кундошлар исканжасида қолди. — Ж. Шарипов, Хоразм

Берлин исканжада, 1-Украина, 1- ва 2-Белоруссия фронтларининг қўшинлари уни ҳамма томондан қуршаб, темир ҳалқа ичига сиқиб олган. — Газетадан

Олға борсангиз ҳам, орқага қайцангиз ҳам, очлик, сувсизлик исканжасидасиз. — М. Ўринхўжаев, Унутилмас кунлар

фл. Искамоқ феълининг орттирма нисбати.

фл. Искамоқ феълининг ўзлик нисбати.