Поиск

Hamjihat, yakdil, hamnafas; maqsadi, maslagi bir.

Birdam boʻlmoq.,

1. Kutilmagan, xayolga kelmagan vaqtda; toʻsatdan, qoʻqqisdan.

Barmoq saraklatib, soʻzga ogʻiz juftlashi bilan, birdan yoʻtali tutdi. — A. Obidjon, Akang qaragʻay Gulmat

Mamlakat Sanjarga qarab turib, birdan mehri tovlanib ketdi. — Oʻ. Usmonov, Sirli sohil

Bu uning qalbida birdan uygʻonib ketgan otalik tuygʻusi edi. — P. Qodirov, Yulduzli tunlar

2. Ayni bir vaqtda, baravar.

Ikkisi [Oftob oyim va Kumush] ham sachrab, Qutidorga qaradilar-da, birdan soʻradilar: — Nima, qanday sir? — A. Qodiriy, Oʻtgan kunlar

Hali mashinaning qorasi koʻzdan oʻchmasdan, birdan ikki samolyot pastlandi. — Oybek, Quyosh qoraymas

3. Bir yoʻla, birvarakayiga.

— Ha, hammasini birdan olma, — sekin gapirdi Esh-voy, — bir boʻlagini ol. — Oybek, Tanlangan asarlar

U [Bobur] chorbogʻ chetidagi yalanglikdan boʻz otni choptirib chiqdi-yu, birdan jilovini qoʻyib yubordi. — P. Qodirov, Yulduzli tunlar

4. Darrov, tezda.

Foziljonning yuzidagi iljayish birdan gʻazabga aylandi. — S. Zunnunova, Koʻk chiroqlar

Birdan osh va oshni qatiqlash bahsi hammaning esidan chiqdi. — A. Qodiriy, Gʻirvonlik Mallavoy

Koʻzlari birdan jiqqa yoshga toʻldi. — Oʻ. Hoshimov, Qalbingga quloq sol

1. yoki Birdek

2. sft. Har jihatdan teng, aynan bir xil.

Menga hamma birday. Hammaga birday qaramoq. Oy bilan kunday boʻl, Hammaga birday boʻl. — Maqol

Satta birday botirlar, yoʻl yurdi tun ham kunduz. — Yusuf va Ahmad

Baring birday xizmat qilgin, kanizlar. — Malikayi ayyor

3. Bir tekisda, bir oʻlchovda, bir maromda, tekis.

Hamma koʻchatlar birday oʻsmoqda. Ot birday yoʻrtib bormoqda.

Yillar birin-ketin shunday oʻtaveradi, turmushimiz birday shirin — M. Joʻra, Iztirob

Qiygʻir qushlar birday uchar qiyoda, lochin qushlar bahra olar uyoda. — Nurali

4. Vaqt jihatdan uzluksiz; hamisha, hamma vaqt, doimo.

Birday vaqtim yoʻq, deydi.

Gul hamisha chaman boʻlib turmaganiday, inson ham hayotining hamma damlarida birday baxtiyor boʻlishi qiyin. — S. Karomatov, Bir tomchi qon

5. Bir xil holatda, bir zaylda, oʻzgarishsiz.

Bemorning ahvoli birday. Otinoyi birday takrorlaydi: — Chaqqon-chaqqon, tez-tez boʻla qol! — P. Tursun, Oʻqituvchi

ot kt. ayn. Jannat 1, 2.

Qani, ilohim, dodxohning bu dunyoda mansab va ravnaqlari sarbaland boʻlib, oxiratda firdavsga sazovor boʻlsinlar. — Hamza, Boy ila xizmatchi

ot 1. Odam va umurtqali hayvonlar nafas yoʻlining yuqorigi qismi.

Ingichka va yoʻgʻon, kalta va choʻziq tovushlar kekirdaklari uzilib ketmaydimi bu xoʻrozlarning? — I. Rahim, Ixlos

2. s. t. Boʻyinning old qismi; tomoq.

Boʻynini choʻzib, qoʻllarini arra qilib gapirarkan, lablari doʻrdayib, koʻzlari ola-bula boʻlib, kekirdagidagi tomirlari boʻrtib chiqib ketgan edi. — I. Rahim, Chin muhabbat

buni bir xilvatroq joyda toʻgʻri keltirsang-u, kekirdagidan xippa boʻgʻib, damini chiqarmay qoʻya qolsang. — P. Tursun, Oʻqituvchi

1. Juda oz, ozgina, jindek, qitdek.

Avazning yuragi achishdi. Benavo, bemajol xalqiga zigʻirdek koʻmak berolmasligini oʻylab, qalbi vayron boʻldi. — S. Siyoyev, Avaz

2. Juda kichkina, zigʻir urugʻicha.

Endi, katta mavzulardagi bahs-munozaralardan keyin, bu mushkullik zigʻirdekkina koʻrindi. — P. Qodirov, Uch ildiz

Bir-birini izlar shaydo ikki jon. Zigʻirdek jon, shaydoligi bir jahon. — Mirtemir

— Hoy kuyov, sizga bir gap boʻldimi, zigʻirdek bola zerikishni qayoqdan bilsin, — derdi [Gulsum kampir]. — N. Safarov, Tanlangan asarlar