Поиск

ot Yuqori darajadagi qanoat, qoniqish hissi, kishi vujudi, aʼzolarining yayrash holati; rohat.

Oʻz mehnatining huzurini koʻrmoq.

Kanal suvi qirgʻoqqa bir maromda yel purkab, saratonda odamga huzur bagʻishlaydi. — Oʻzbekiston qoʻriqlari

Paxtachilikning azobi ham, huzuri ham bor. — Gazetadan

Latofat gullar ichida yurgandek, huzur bilan nafas oldi. — S. Zunnunova, Yangi direktor

sft. Huzur bagʻishlaydigan.

Bogʻ qanchalik chiroyli, salqin, huzurbaxsh boʻlsa ham, yolgʻiz odamni tez zeriktirar ekan. — M. Mahmudov, Mangu kuy izlab

fl. kam qoʻll. ayn. Huzur qilmoq,

Qoʻqon darbozasiga toʻlgan xalq Azizbekning ot oyoqlari ostida sudralib ketishiga huzurlanib tomosha qilar edi. — A. Qodiriy, Oʻtgan kunlar

Karimjon azbaroyi huzurlanganidan, qorongʻilikda oʻz-oʻzicha jilmayib qoʻyadi. — O. Yoqubov, Qahramon izlab

Chavandoz huzurlanganidan koʻzlarini yumib olgan. — Sh. Boʻtayev, Qoʻrgʻonlangan oy

Fotima yana boyagiday huzurlanib, tabassum qildi. — T. Hayit, Vafo malikasi

ot Huzur va halovat, rohat va farogʻat, orom.

Shunday qilib, rais huzur-halovatda yashardi. — Sh. Rashidov, Boʻrondan kuchli

fl. Huzurlanmoq feʼlining orttirma nisbati.

sft. 1. Xotirjam holda, oʻngʻaysizlik sezmasdan, tashvishdan xoli holda, shoshilmasdan, bamaylixotir; bemalol.

-Bahuzur yoyilib oʻtiraveringlar. Dalada yoz pallasida yoyilib oʻtirish rohat,— dedi mehmonlarga murojaat qilib boy. — Oybek, Tanlangan asarlar

Bu odamlar dunyoni suv bossa, toʻpigʻiga chiqmaydigan, bahuzur yonboshlab yotib bamaylixotir, huzur qilib kulishar edi. — A. Qahhor, Qoʻshchinor chiroqlari

2. Hech qanday qiyinchiliksiz; bemalol.

Bu ishni u bahuzur bajaradi.

Men oʻziga toʻq odamning bolasiman, otamning topgani, oʻzimning dehqonchilikdan topganim bitta qornimga bahuzur yetadi. — M. Ismoiliy, Fargʻona tong otguncha

Ora uzoq boʻlsa ham, [Maston kampirning] erkakcha ovozi Gʻulom-jonga bahuzur yetib keldi. — M. Ismoiliy, Fargʻona tong otguncha

3. kesim vzf. Bemalol, ruxsat; mayli.—

Chekishga qarshilik qilmaysizlarmi? — Bahuzur. — Oydin, Suhbati jonon