Қидирув

от 1. Эгаллаш, ёʻқ қилиш, қайтариш ва шу кабилар мақсадда ҳаракат қилиш; шундай мақсаддаги ҳаракат, уриниш; ҳамла.

Аёллар тош, ғишт парчаларини кўтариб, эшик ва деразаларга ҳужум қила кетди. — Ойбек, Танланган асарлар

Шу пайт қўққисдан иккинчи бургут ҳам ҳужумга ўтди. Оқсоқ тўнғизча анчагача чийиллаб турди, сўнг овози тинди. — Фан ва турмуш

Раҳим итининг олғирлиги, қўй подасини қандай қилиб бўрининг ҳужумидан қутқаргани ҳақида мақтана кетди. — Ҳ. Назир, Сўнмас чақмоқлар

2. ҳарб. Бирор ҳудудни забт этиш, душманни ёʻқ қилиш учун техника ва шу кабилар билан ҳаракат қилиш, ташланиш.

Ҳужумга ўтмоқ. Душман ҳужумини қайтармоқ. Ҳаво ҳужуми.

Бомбардимончиларнинг ҳужуми ўн беш минут давом этди. — И. Раҳим, Чин муҳаббат

Душман қанчалик гангитилса ҳужумнинг муваффақияти шунчалик муқаррар бўлади. — А. Қаҳҳор, Олтин юлдуз

Ўрмон яқинида шох-шабба билан яширилган иккита душман танки ҳужумга шай турганлиги ҳақида хабар келтиришди. — Газетадан

3. спрт. Қарама-қарши томонли спорт ўйинларида рақибнинг ҳимоясини енгиш, ҳимоя нуқтасини ишғол этиш учун ташланиш ҳаракати.

Кетма-кет бўлган ҳужумлар ўз натижасини берди: футболчиларимиз рақиб дарвозасига жавобсиз икки тўп киритдилар. Боксда ҳужум билан бирга ҳимояни ҳам эсдан чиқармаслик керак.

Унинг рақиби шоҳни ҳужумдан мудофаа қилиш учун узоқ ўйланиб қолди. — И. Раҳим, Чин муҳаббат

4. кўчма Танбеҳ, ҳақорат қилиш, сўкиш ва шу кабилар билан кимсага ташланиш; ҳамла.

Хушрўй чодирдан чиқмасданоқ, чой ташиб, хизмат қилиб юрган кундошига кесатиқ билан ҳужум бошлайди. — А. Қодирий, Ўтган кунлар

Шунинг учун Убайдулла ака ҳар бир масалада куёвининг ёнини олар, хотини сал ғинший бошласа, дарҳол ҳужумга ўтарди. — Ў.Усмонов, Сирли соҳил

5. кўчма Бирор катта иш ёки тадбирни амалга оширишга қаратилган умумхалқ ҳаракати.

Саводсизликка қарши ҳужум. Паранжига қарши ҳужум.

Машиналар ишлаётган жойда чўлга қудратли ҳужум бошланганлиги сезилиб турибди. — Р. Файзий, Чўлга баҳор келди

от 1. ҳарб. Душман устига бостириб борувчи, ҳужум қилувчи.

Ҳужумчи танкчилар. Ҳужумчи учувчилар.

Комилов ротадан ўттиз жангчини танлаб олдида, ҳар бири ўн кишидан учта ҳужумчи группа тузди. — Гулистон

2. спрт. Команданинг ҳужум чизиғида ўйновчи спортчи; зид. ҳимоячи.

Болалар кўчани бошларига кўтариб, чангитиб, тўп тепишарди. Улар тарафма-тараф бўлиб олишган, икки томоннинг дарвозабони, ҳужумчи-ю ҳимоячилари бор. — Р. Файзий, Ҳазрати инсон

Бу тўпни олтинчи минутда ҳужумчи Б. Иброҳимов киритди. — Газетадан

сфт. 1. Ҳужум қилувчи, ҳужум билан ҳаракатланувчи (ҳужум — тўғри ва кўчма маънода).

Хуррамов бўлинмаси ҳужумкор группалар билан душманнинг ўқ олмас жойларини портлатиши керак эди. — Назармат, Жўрлар баланд сайрайди

Ҳужумкорлар қанча кўпайса, чўл шунча тез чекинади. — Газетадан

Душман жанг билан чекинар, лекин бирон маррада ҳужумкорларимизни тўхтатиб қолишдан ожиз эди. — Н. Сафаров, Оловли излар

2. Ҳужумга асосланган, ҳужум билан характерланувчи (иш-фаолият кабилар ҳақида).

Командалар ўтган давр мобайнида кўпгина қизиқарли, ҳужумкор футбол ўйинини намойиш қилиб, мухлислар қалбига олам-олам қувонч бағишладилар. — Газетадан.

от Ҳужумкор ҳаракат; иш-ҳаракатдаги ҳужумкор руҳ.

Баъзи футбол жамоалари ўйинида ҳужумкорлик етишмайди.

Айрим жамоат ташкилотлари жамиятга зарарли хатти-ҳаракатларга қарши ҳақиқий ҳужумкорлик кураши олиб бормаяптилар. — Газетадан

storm

• қаттиқ ҳужум билан (эгаллаб) олмоқ take by storm
• қаттиқ ҳужум қилмоқ storm, assult
• қақшатқич ҳужумга учрамоқ be subjected to fierce attack
• қуролли ҳужум armed attack (military assault)
• хиёнаткорона ҳужум treacherous (perfidious) attack
• ҳужум бошламоқ launch (take up) an attack
• ҳужум уюштирмоқ make (carry out raids, raid)
• ҳужумга ёʻл қўймаслик prevent an attack
• ҳужум қилмаслик non-aggression
• ҳужум қилмаслик ҳақидаги пакт non-aggression pact
• ҳужумни амалга оширмоқ attack
• ҳужумни қайтармоқ beat (fight) off an attack; repel (repulse, hold off, counter, repulse) an attack
• ҳужумнинг олдини олмоқ prevent an attack

Компютер тизимлари ахборот хавфсизлиги вазифаларини ечишда қўлланиладиган ва мумкин бўлган заиф жойларнинг умумий сонини билдирадиган атама. Серверда қанча кўп компонент ўрнатилган бўлса, мумкин бўлган заиф жойларнинг сони шунчалик кўп ва, демак, ҳужум юзаси шунчалик катта. Серверларга ҳужум уюштириш учун тармоқ қўлланмаларидан фойдаланилиши мумкин, бунинг учун ҳужумнинг потенсиал имкониятларини камайтириш учун керак бўлмаган хизмат ва қўлланмаларни ўчириб ва фойдаланишни бошқаришнинг маълум рўйхатига эга брандмауерни ўрнатиб, тармоқда ишлатилаётган қўлланмалар сонини камайтириш керак.инглизчаattack surfaceрусчаповерхность атаки