Qidiruv

ot 1. Materiyaning oʻz rivojlanishining muayyan bir davridagi harakatlanish shakli.

Yerda hayotning paydo boʻlishi. Oʻsimliklar hayoti.

Yaqin atrofimizni oʻrganib, faqat sayyorangizda hayot borligini aniqlaganimizga ancha boʻldi. — O. Moʻminov, Xiyobondagi uch uchrashuv

2. Inson, hayvon, oʻsimliklarning tugʻilgandan (yuzaga kelgandan) oʻlgunga (yoʻq boʻlgunga) qadar boʻlgan fiziologik holati, tirik, mavjud, yashayotgan holati.

Koʻz juda murakkab optik sistema boʻlib, kishi hayotida koʻzning yaxshi koʻrishi muhimdir. — Gazetadan

Bir avlodning hayoticha davr ichida nur degan soʻz ermakday boshlanib, asrlarning hokimi boʻlib qoldi. — J. Abdullaxonov, Oriyat

Uning hayot asari qolmagan yuzi yana xiralashdi — K. Yashin, Hamza

3. Yashash muddati; umr. Toʻy — kishi hayotidagi eng yaxshi orzu-umidlarning ushalishi. Gazetadan.

Gapni choʻzma, chunki hayot qisqadir. — M. Joʻra, Iztirob

Olima hayotining oxiriga qadar xalq uchun pokiza vijdon bilan xizmat qildi. — Saodat

4. koʻchma Hayot bagʻishlovchi, hayotni taʼminlovchi narsa.

Elektr simlardan hayot oqadi. — Guldasta

Harakat — issiqlik, issiqlik— hayot demak. — Mirmuhsin, Meʼmor

Non hidida hayot bor, Har magʻzida mamot bor. — Gazetadan

5. Kishi va jamiyatning yashash tarzi, holati; turmush, tirikchilik.

Ijtimoiy hayot. Oilaviy hayot. Yozuvchining hayoti va faoliyati. Respublika hayoti. Mahalla hayoti.

Bilim yurti talabalarining hayoti har tomonlama sermazmun oʻtmoqda. — Gazetadan

U ishning baland-past loy tomlari shahardagi qashshoq hayotning guvohidek mungʻayib turipti. — S. Karomatov, Oltin qum

Shu hayot, shu turmushdan gadolik aʼlo. — Gʻayratiy

6. Bizni oʻrab olgan real borliq, voqelik.

Hayot juda qiziq-a?! Birovlar — asal, birovlar zahar berarkan. — S. Yunusov, Kutilmagan xazina

Hayotda shunday odamlar borki, ular butun umrlarini faqat bir ishga, biron kasbga bagʻishlagan boʻladilar. — X. Yodgorov, Hayot toʻlqinlari

7. sft. Yashab turgan; tirik.

Kim biladi, balki hayotdir va, ehtimol, hayotga yotdir. — H. Olimjon

Shu darcha cholingiz hayot vaqtida ham qiyshiq edi — A. Qahhor, Qoʻshchinor chiroqlari

8. koʻchma Jonlanish, uygʻonish.

Redaksiya-da havo yurishib, hayot alomatlari paydo boʻlgandek tuyuldi Ahmadga. — F. Musajonov, Himmat

9. Hayot (xotin-qizlar ismi).

sft. 1. Hayotga, yashashga, tirikchilikka oid.

Hayotiy jarayonlar. Hujayralarning hayotiy vazifasi.

2. Hayot uchun zaruriy, hayot talabidan kelib chiquvchi, hayot talabi bilan bogʻliq.

Uning orzusi bir qarashda romantik qasoskorning orzusi boʻlib koʻrinsa-da, tagidagi haqiqat chuqur, oʻta hayotiy. — H. Gʻulom, Toshkentliklar

Xoʻjaligimizda hali yechilishi gʻoyat zarur boʻlgan hayotiy vazifalar koʻplab koʻzga tashlanadi. — Oʻzbekiston qoʻriqlari

uning bilan suhbatda zarur va hayotiy masalalar gaplashib olingan edi. — Mirmuhsin, Umid

3. Hayot bilan bogʻliq, hayot uchun tipik (boʻlgan), hayotdagiga mos, toʻgʻri keladigan.

— Asosiy masala asarda aytilmoqchi boʻlgan fikrning oʻquvchi qalbiga yaqin va hayotiy boʻlishida, — dedi Said Ahmad. — Shukrullo, Javohirlar sandigʻi

Hayotiy voqealarni umumlashtirib, sermazmun badiiy asarlar yaratgan va yaratayotgan jurnalistlar koʻp. — X. Yodgorov, Hayot toʻlqinlari

Rassom shoir va maʼrifatparvarning siymosini hayotiy qilib ishlay olgan. — Gazetadan

ot 1. Hayotga oid, hayot bilan bogʻliq boʻlish; shunday belgi-xususiyatga egalik.

XV asr Hirot sanʼatiga xos boʻlgan hayotiylik xalqchillikka ham olib keladi. — Fan va turmush

Bu bilan ular badiiy ijoddagi eng muhim fazilatga — hayotiylikka erishayotirlar. — Sharq yulduzi

2. Yashash, rivojlanish qobiliyati (qudrati)ga egalik; yashovchanlik.

Buyuk alloma gʻoyalarining hayotiyligi.

ruschaжизнеутверждающая силаinglizchavital force

populyatsiyadagi bir individga toʻgʻri keladigan oʻrtacha maydon. Inson jamiyati uchun H.m. – mavjud ijtimoiy-iqtisodiy sharoitda bir odam ehtiyojlarini qondirish uchun zarur boʻlgan hudud.

ботаникада oʻsimlikning muhit sharoitlariga moslashganligini aks ettiruvchi tashqi qiyofasi (gabitusi). H.sh. deb, shuningdek, oʻsimliklarning ekologik turkumlash birligi boʻlmish – oʻzaro qarindoshchiligi boʻlmagan, lekin moslashish strukturalari bir xil boʻlgan oʻsimlik guruhlariga ham aytiladi.