ruschaнепристойно, нагло, циничноinglizchashamelessly, immodestlyfransuzchaindécemment, impudiquement, effrontémentarabchaقِلَّةُ الْحَيَاءِ, صَفَاقَةٌ, وَقَاحَةٌ
Qidiruv
«Hayosizlarcha» boʻyicha 27 ta natija
Filtr
Lugʻat turi
Lugʻat maqolalari
27 ta
Izohli lugʻat
· yana 6 ta lugʻatda
ot Nojoʻya, nomaʼqul xatti-harakatdan tiyilish hissi; uyat, sharm.
Vafosizda hayo yoʻq, Hayosizda vafo yoʻq. — Maqol
Hayo — insonning eng oliyjanob fazilati, uning koʻrki, bezagi. — S. Karomatov, Vobkentlik oshiq
Odamda or-nomus, hayo boʻlishi kerak, Joʻraxon! Axir eringiz bor-a! — M.Ismoiliy, Fargʻona tong otguncha.
- Hayo qilmoq Shoir qalbi bilan baʼzan koʻzimni Qizlarga burishdan qilaman hayo. — Shukrullo, Javohirlar sandigʻi
Izohli lugʻat
· yana 1 ta lugʻatda
ot esk. Foyda, naf.
Bir miri hayon, uch miri ziyon. — Matal.
U [Teshaboy] savdogar otasi Bolta koʻpasning hayon koʻtarsa, ziyondan qochma, degan vasiyatini koʻz oʻngida tutadi. — M. Ismoiliy, Fargʻona tong otguncha
U yelkasini qisib: — Shunaqa bir harakat bor edi, hadisini olmagan odamga qiyin ekan, hech hayon chiqmadi, — deb qoʻya qolibdi. — J. Abdullaxonov, Toʻfon
Paxtadan kelgan hayon chorvaga yamoq boʻlib ketardi. — Y. Shamsharov, Toshqin
Izohli lugʻat
· yana 8 ta lugʻatda
ot 1. Materiyaning oʻz rivojlanishining muayyan bir davridagi harakatlanish shakli.
Yerda hayotning paydo boʻlishi. Oʻsimliklar hayoti.
Yaqin atrofimizni oʻrganib, faqat sayyorangizda hayot borligini aniqlaganimizga ancha boʻldi. — O. Moʻminov, Xiyobondagi uch uchrashuv
2. Inson, hayvon, oʻsimliklarning tugʻilgandan (yuzaga kelgandan) oʻlgunga (yoʻq boʻlgunga) qadar boʻlgan fiziologik holati, tirik, mavjud, yashayotgan holati.
Koʻz juda murakkab optik sistema boʻlib, kishi hayotida koʻzning yaxshi koʻrishi muhimdir. — Gazetadan
Bir avlodning hayoticha davr ichida nur degan soʻz ermakday boshlanib, asrlarning hokimi boʻlib qoldi. — J. Abdullaxonov, Oriyat
Uning hayot asari qolmagan yuzi yana xiralashdi — K. Yashin, Hamza
3. Yashash muddati; umr. Toʻy — kishi hayotidagi eng yaxshi orzu-umidlarning ushalishi. Gazetadan.
Gapni choʻzma, chunki hayot qisqadir. — M. Joʻra, Iztirob
Olima hayotining oxiriga qadar xalq uchun pokiza vijdon bilan xizmat qildi. — Saodat
4. koʻchma Hayot bagʻishlovchi, hayotni taʼminlovchi narsa.
Elektr simlardan hayot oqadi. — Guldasta
Harakat — issiqlik, issiqlik— hayot demak. — Mirmuhsin, Meʼmor
Non hidida hayot bor, Har magʻzida mamot bor. — Gazetadan
5. Kishi va jamiyatning yashash tarzi, holati; turmush, tirikchilik.
Ijtimoiy hayot. Oilaviy hayot. Yozuvchining hayoti va faoliyati. Respublika hayoti. Mahalla hayoti.
Bilim yurti talabalarining hayoti har tomonlama sermazmun oʻtmoqda. — Gazetadan
U ishning baland-past loy tomlari shahardagi qashshoq hayotning guvohidek mungʻayib turipti. — S. Karomatov, Oltin qum
Shu hayot, shu turmushdan gadolik aʼlo. — Gʻayratiy
6. Bizni oʻrab olgan real borliq, voqelik.
Hayot juda qiziq-a?! Birovlar — asal, birovlar zahar berarkan. — S. Yunusov, Kutilmagan xazina
Hayotda shunday odamlar borki, ular butun umrlarini faqat bir ishga, biron kasbga bagʻishlagan boʻladilar. — X. Yodgorov, Hayot toʻlqinlari
7. sft. Yashab turgan; tirik.
Kim biladi, balki hayotdir va, ehtimol, hayotga yotdir. — H. Olimjon
Shu darcha cholingiz hayot vaqtida ham qiyshiq edi — A. Qahhor, Qoʻshchinor chiroqlari
8. koʻchma Jonlanish, uygʻonish.
Redaksiya-da havo yurishib, hayot alomatlari paydo boʻlgandek tuyuldi Ahmadga. — F. Musajonov, Himmat
9. Hayot (xotin-qizlar ismi).
- Hayot bagʻishlamoq (yoki baxsh etmoq) 1. Dunyoga keltirmoq, tugʻmoq; meni dor ostidan qutqarib, menga yana hayot bagʻishladingiz. — A. Qodiriy, Oʻtgan kunlarShu bilan birga, oʻziga hayot baxsh etgan hakimning xizmatiga hamisha kamarbasta boʻlib turdi. — K. Yashin, HamzaOna tabiat insonga turli-tuman neʼmatlarni inʼom etib, unga hayot bagʻishlab turadi. — GazetadanMana, subhidam payti, quyoshning zarrin nurlari hamma yoqqa hayot bagʻishlayapti — T. Rustamov, Mangu jasoratSuv oqadi, qon kabi borib, Gʻoʻzalarga baxsh etar hayot. — Gʻayratiy
- Hayot kechirmoq Umr koʻrmoq, yashamoq. U bilan birga oʻttiz yil hayot kechirdik.Qoraqalpoq xalqi yangi shaharlarda, qulay, yorugʻ, bahavo uy-joylarda hayot kechirmoqda. — Oʻzbekiston qoʻriqlari
Izohli lugʻat
· yana 4 ta lugʻatda
sft. Nojoʻya xatti-harakatdan oʻzini tortadigan, hayosi bor.
Ahmad bu sof, hayoli, sodda qizga juda shirin soʻz aytgisi keldi — F. Musajonov, Himmat
Izohli lugʻat
· yana 5 ta lugʻatda
sft. Hayosi yoʻq, uyatsiz.
Hayosizga har kun hayit. — Maqol
Sohib Doro: Hayosiz bilmagay hech bir vafoni, Vafoga almashur shohlar jafoni. Uygʻun va I. — Sulton, Alisher Navoiy
Bozorov sevgisining ham misi chiqdi. Endi u hayosiz boshini quyi solib, qoʻl uchida qarsak chalib, loy boʻlib oʻtiribdi. — I. Rahim, Chin muhabbat
Voy shoʻrim Voy beti yoʻq qiz! Voy hayosiz qiz! — S. Zununnova, Gulxan