Поиск

ot Biror favqulodda ish, hodisa va boshqalar sababdan ichki toʻlqinlanish, bezovta holat; bezovtalik.

Koʻnglida ifodasiz bir umid, hayajon ila oʻsha dilxush roʻyoning takrorlanishini intiq boʻlib kutadi. — S. Siyoyev, Avaz

Qiz dahlizda, eshik orqasida kuchli hayajon va sarosimada turgan Gulnorni quchoqladi, sekin shivirladi: — Qaygʻurmang, opajon. — Oybek, Tanlangan asarlar

Sherbekda uygʻongan ruhiy koʻtarinkilik chehrasini yoritib, aʼzoyi badani hayajondan titradi. — S. Anorboyev, Oqsoy

sft. 1. Hayajonga tushgan holatli.

Hamza negadir hayajonli, asabiy koʻrinardi. — T. Obidov, Yusufjon qiziq

2. Bezovtalik, hayajon ifodali.

Mirzakarimboy hayajonli, titroq tovush bilan qiziga fotiha berib, soqolini siladi. — Oybek, Tanlangan asarlar

Polvonlarning biriga muhabbat, ikkinchisiga nafrat bilan qarab turgan xalq koʻzida, uning hayajonli yuzida ikki dunyo kurashi aks etgandek edi. — M. Ismoiliy, Fargʻona tong otguncha.

uning koʻzlari beqaror, xursand va hayajonli edi. — Oybek, Quyosh qoraymas

3. Kishini hayajonga soladigan, toʻlqinlantiradigan.

Hayajonli film. Hayajonli asar.

Taqdir xotiralari, oʻtmish qismatining hayajonli voqealari qalam tebratishga imkon bermasdi. — X. Yodgorov, Hayot toʻlqinlari

Xonaga hayajonli sukunat choʻkkan, salqin edi. — Oʻ. Hoshimov, Qalbingga quloq sol

fl. Hayajonga tushmoq, hayajonli holatda boʻlmoq.

Musofir hayajonlanib yigʻlab, Meʼmorga qay yoʻl bilan tashakkur aytishni bilmasdi. — Mirmuhsin, Meʼmor

U qoʻllarining qaltirayotganini yashirishga urinar, unga sayin battaroq hayajonlanardi. — Oʻ.Hoshimov, Qalbingga quloq sol

Inobat hayajonlanar, yonib turgan koʻzlari yaxshilikdan darak berardi; u eriga tikildi. — X. Toʻxtaboyev, Felyetondan keyin

fl. Hayajonlanmoq feʼlining orttirma nisbati.

ot Kuchli his-tuygʻu, qattiq hayajonlanish holati.