Қидирув

от 1. Ичи зич эмас, орасида бўшлиқ бор; ғовак.

Дамбанинг тагидан, тупроқ ҳавол жойдан дарё суви отилиб, каналга оқарди. — Газетадан

катта бир омборнинг деворини уриб, орқасида ҳавол ер борлигини билди. — Ж. Шарипов, Хоразм

2. Куч билан эмас; секингина, бўш.

Аҳмад паҳлавон унинг [хўжанинг] белбоғидан ҳавол ушлади. — М. Муҳаммаджонов, Турмуш уринишлари

от 1. Изм-ихтиёрига топшириш, зиммасида бўлиш.

Ҳар кимнинг сўзи, қилмиши қалбига, виждонига ҳавола. А. Муҳиддин, Ҳ. — Тожибоев, Оташ қалбли қиз

Мана бу кресло ҳам сизга ҳавола. Менга бир оддийроқ стул берсангиз бўлади — Ж. Абдуллахонов, Тўфон

2. Фикр, мулоҳаза ва шу кабилар ҳақида маълумот учун бирор манбага қарашга ундаш, шу манбани кўрсатиш.

Қўшимча маълумот учун саҳифа охирида тегишли адабиётларга ҳаволалар берилган.

сфт. Ҳавоси бор, ҳавога эга бўлган; баҳаво.

Сиқиқ ҳаволи баллон. Бузуқ ҳа-воли хона.

Ёпчон асрий сирларни Бағрига олган қишлоқ. Ёпчон хушбўй ҳаволи, Фараҳбахшдир, кенг қучоқ. — Ғайратий

Қишнинг биринчи ярми қуруқ келди. Бу очиқ ҳаволи кунлар деҳқонларга ёқмади. — П. Турсун, Ўқитувчи

Қиш бўронлари ўтган, баҳорнинг юмшоқ ҳаволи кунлари бошланган. — С. Айний, Қуллар

Мактаб олдида ҳаволи чорбоғлар ташкил этилган. — Газетадан

hawalaw, hawaǵa kóteriliw, joqarılaw

фл. 1. айн. Ҳаволамоқ 1.

Қиздирилган чирмандадек таранг ой аста-секин ҳаволанаверди. — Газетадан

2. Умуман, ҳавода ҳаракатланмоқ.

Шапалоқдек мошранг ток барглари енгил шамолда тебранади, қариб сарғимтир бўлган барглар чирт узилиб, ҳаволаниб, ерга тушади. — Газетадан

номаълум нуқтага қадалган нигоҳи беихтиёр, худди парашютдай ҳаволаниб, ерга тушаётган катта бир баргга қадалди. — Д. Нурий, Осмон устуни

3. Мағрурланмоқ, ғурури ошмоқ.

Енгил ғалабадан ҳаволанган Эрон қўшини массагетларнинг чекинаётганини эшитиб, зудлик билан уларни тақиб эта бошлади. — М. Осим, Аждодларимиз қиссаси

Маданиятли киши ўзидаги яхши фазилатлардан, гўзалликдан ҳаволанмайди. — М. Алавия, Гўзаллик нимада?

— Қари одамни муштумдай бола олдида ҳақорат қилганингиз, болангизни ҳақ одам олдида ноҳақлик билан ҳимоя этганингиз яхшими? Болангиз бундан ҳаволанмайдими? — деди Расул ака хотинига. — М. Исмоилий, Бизнинг роман

фл. Баланд кўтармоқ, юқорилатмоқ, баландлатмоқ.

Извошчи узун қамчисини бошида баланд ҳаволатиб қарсиллатди-да, отларга қараб қичқирди. — И. Рахим, Чин муҳаббат

Муродхон қўлига олмани олиб, ҳаволатиб, Чўлпонойни мўлжаллаб отди. — Муродхон

Ўрик, киши зўр бериб ниманидир тушунтирмоқчи бўлар, қўлларини ҳаволатиб-ҳаволатиб олар эди. — И. Шомуродов, Мағлубият