ўзбекчаўтмоқрусчапроходитинглизчаcross
Бу эртäр эрäžиг эрäž тутмайïл Bu vaqtinchalik (o‘tadigan) huzur-halovatni baxt deb bilmagin – Это
Қидирув
«ЭРТ=» бўйича 21 та натижа
Филтр
Луғат тури
Луғат мақолалари
21 та
Изоҳли луғат
· яна 7 та луғатда
сфт. 1. Белгили, одатдаги, меъёрий вақтдан анча ёки бирмунча олдин, барвақт, вақтли.
Эрта турмоқ. Эрта бориб, кеч қайтмоқ. Эрта қариган киши. Бу йил қиш эрта келди. Экинни эрта эккан ҳосилини эрта ўрар. — Мақол
Ҳаракатинг эрта бўлса, кузда эрта ўрарсан. — Мақол
Раъно сув салқинида бугун ҳам эрта ухлаб қолди. — И. Раҳим, Ихлос
2. Вақт, фасл билдирувчи баъзи сўзлар билан бирикиб, шу вақт, фаслнинг энг (эндигина) бошланиш вақтини билдиради.
Эрта тонгданоқ ишга ёʻл оларкан қалбида ажиб ҳислар мавж ура бошлади. — Газетадан
Икромжон, эрта баҳор Найманга кўчиб чиқаётганларида, Азизхонга ёзилган хатга қўл қўйди. — С. Аҳмад, Уфқ
Эрта наҳор чоғида, денгизнинг ёқимли оромбахш майин шамоли эсиб турганда Каспий ажиб жилвагар кўринарди. — Н. Сафаров, Оловли излар
3. кесим взф. Бирор иш-ҳаракатни бажариш, амалга оширишга ҳали вақт борлигини, вақти келмаганлигини билдиради.
Уйга боришни истамади, лекин гапга боришга ҳали вақт эрта эди. — Ойбек, Танланган асарлар
Ҳали ётмоққа вақт эрта эди. — А. Қодирий, Ўтган кунлар
4. от Тундан кунга ўтиш вақти, тонгдан сўнгги пайт; эрталаб.
Носвой ёʻқ, эртадан бери хумориман. — Ойбек, Танланган асарлар
Нима қилибди юрагимга? Менга ўхшаб эртадан кечгача уйда ўтиринг-чи. — А. Қаҳҳор, Асрор бобо
5. от Келаси кун, сўз бораётган кундан кейинги кун.
Бу воқеанинг эртаси. Эсарнинг эртаси кўп. — Мақол
Бугун бўлмаса, эрта. Бугунми, эртами, ўқишни бошлаймиз.
Сизлар чиқинглар иш бўлмаса, ётинглар, эрта вақтлироқ туриб, ёвонга гўнг ташийсизлар. — С. Айний, Қуллар
Директоримиз эрта бор, индин бор, деб ишни чўзиб юбордилар. — Муштум
- Эрта билан Эрталаб. Шаҳид бўлган сарбозларни эртага эрта билан шу ерга кўмишни айтган карвонбоши отга қамчи босиб, Хўқанд сари чопди. — Мирмуҳсин, Меъмор
- Эрта бир кун Иш-ҳаракат, ҳодисанинг келгусига оидлиги, келгусида бўлишини билдиради. Кимлар эса бугун ғолиб, Эрта бир кун забундир. — Э. Воҳидов, Шарқий қирғоқ
- Эрта кунда Умуман; ҳар вақт, доим. Эрта кунда жанжал.Ҳиммат-ку эрта кунда ёʻқ, яна ўзи ўлгудек бахил — Муштум
Изоҳли луғат
· яна 6 та луғатда
от 1. Халқ оғзаки поетик ижодининг асосий жанрларидан бири; тўқима ва уйдирмага асосланган, сеҳрли-саргузашт ва маиший мазмундаги эпик бадиий асар; чўпчак.
Эртак айтмоқ.
Бир ариқда сут, иккинчи ариқда шарбат — эртакларда бўлади! — С. Анорбоев, Оқсой
Илмий фантастик асарлар билан адабий эртаклар ўзаро яқин алоқададир. — Фан ва турмуш
2. Ҳикоя, қисса, воқеа.
Унсин ҳамма воқеани — акаси билан Гулнорнинг севги эртагини кампирдан тўла эшитди. — Ойбек, Танланган асарлар
Ёлғиз Тиктепа қишлоғидагина эмас, теварак қишлоқларда ҳам мулла Обиднинг эртаги, экиндаги муваффақияти оғиздан оғизга юриб кетди. — А. Қодирий, Обид кетмон
от 1. шв. Эрталаб.
Оқшом палов, эртан чой. — Равшан
2. Эртага.
Шоҳим, бу мардуднинг тилини кесмасангиз, эртан сизга атаб ҳажв битмоқдан тоймас. — С. Сиёев, Ёруғлик
Изоҳли луғат
· яна 3 та луғатда
Сўз бораётган кундан кейинги куни.
Эртага борамиз. Бугунги ишни эртага қўйма. — Мақол
Эртага эрталаб бизни машина келиб олиб кетишини тушунтирдим. — С. Кароматов, Олтин қум
Изоҳли луғат
· яна 4 та луғатда
сфт. 1. Эртага бўладиган; эртанги.
Эртаги мажлис. Эртаги иш. Эртаги думбадан бу кунги шалҳак яхши. — Мақол
Эртаги савдонинг даҳсар оғирлиги бор. — Мақол
Эртаги машғулотлари ёдига тушиб, Ётиш керак! деди. — Шуҳрат, Шинелли йиллар
2. Бошқа хилларга қараганда олдинроқ етиладиган, пишадиган; эртапишар, чиллаки.
эртаги, ўртанги ва кечки сабзавот, картошка, полиз ва резавор экишари экиш режаси тўла бажарилган. — Газетадан