Поиск

sft. Eri bor, erga teggan, eri bilan yashab turgan.

Erli xotin.

Oʻynashdan aynib, erli boʻlmoqchiman, mulla aka. — A. Qahhor, Sarob

ot 1. Erga xos holat, er ekanlik.

2. Mardlik, mardonavorlik, qahramonlik, jasorat.

Har kim bu kungi urushdagi oʻzining erliklari bilan, qoʻlga tushirgan oltin kamari va boshqa oʻljalari bilan maqtanadi. — A. Qodiriy, Oʻtgan kunlar

3. ayn. Erkaklik 2.

sft. Ter bilan qoplanib turgan.

Terli qoʻl. Terli yuz.

sft. Yerga ega, yeri bor.

[Yoʻlchi] Miroblar bilan ogʻiz-burun oʻpishgan katta yerlilar, boy dehqonlar zoʻravonligidan, ekini qurib qaqragan kambagʻal dehqonlarga doʻq qilib, gʻalva koʻtarishidan nafratlanar edi. — Oybek, Tanlangan asarlar

Oʻrtoq Ochildi Tik-tepaning oʻzidan chiqqan, kam yerli kambagʻal dehqon bolasi. — A. Qodiriy, Obid ketmon

ot Otning terini toʻqimga oʻtkazmaslik uchun toʻqim tagidan qoʻyiladigan qalin namat parcha.

Omborxonadan ot abzallarini: terlik, bellik, yugan, egarni qoʻltiq-lab keldim. — T. Murod, Ot kishnagan oqshom

Bismillo, deb soldi otning ustiga Kimxobi mayindan boʻlgan terlikni. — Alpomish

ot 1. Shu yerning oʻzida tugʻilib oʻsgan, tub joylik, mahalliy.

Bundan uch yil burun, Andijon zilzilasidan keyin, Simxoyev zavodidagi yerlik ishchilar ish tashladilar. — M. Ismoiliy, Fargʻona tong otguncha

Olga ham, eri Ivan Pavlovichga oʻxshab, odamshavanda chiqdi. Yerlik qoʻshni xotinlar bilan inoqlashib ketdi. — J. Sharipov, Xorazm

2. Yerda yashovchi, Yerga mansub.

Kemamiz Yer atrofini aylanib turadi. Uning shunday moslamalari borki, mavjudligini yerliklar sezishmaydi. — O. Moʻminov, Xiyobondagi uch uchrashuv

Yerliklarning bobokalonlari ham Zangining toʻrtinchi sayyorasidanligiga imonim komil. — O. Moʻminov, Xiyobondagi uch uchrashuv

3. Koʻrsatish, soʻroq olmoshlari va boshqalar baʼzi soʻzlar bilan qoʻllanib, shu soʻzlar qayd etgan joyga mansublikni bildiradi.

Bu yerlik. Oʻsha yerlik.

Ustod Qavom shu yerlik, bizning aslimiz Buxorodan — Mirmuhsin, Meʼmor