Qidiruv

Belgining yuqori, ortiq darajasini bildiruvchi soʻz.

Eng chiroyli. Eng baland. Eng muhimi.

Xalq koʻzida bu — eng qora, eng mudhish, eng zolim mahkama edi. Oybek, — Tanlangan asarlar

Bu ishda Qurbon otaga birinchi boʻlib qoʻl bermoqchi boʻlgan odamlarning eng birinchisi Abdusamadqori edi. — A. Qahhor, Qoʻshchinor chiroqlari

ot ayn. Iyak.

Yotoqxona oldiga kelganimizda, quloqchinini engagidan bogʻlab olgan bir bola qarshimizdan chiqib qoldi. — Oʻ. Umarbekov, Shonli avlod

Ikki-uch qadam ilgarilab, oʻng qoʻli bilan engagini silab turib oʻylanib qoldi. — S. Karomatov, Oltin qum

fl. 1. Belni bukib, tananing yuqori qismini quyi solmoq; egilmoq.

Gʻulomjon chiroyli qaddini bukib, onasi ustiga engashdi. — M. Ismoiliy, Fargʻona tong otguncha.

Engashib, palaklarni titib qarasang, tugunak, sapcha, xomaklar qiygʻos — N. Fozilov, Diydor

2. Ogʻmoq, qiyshaymoq.

Minora engashib qolibdi.

Arava minib kelgan Tojiboy ot ustida, devordan engashib tushgan gilos shoxini qayirib turganida, Lutfixon chiqib qoldi. — S. Ahmad, Muhabbat

ot Bir sidra kiyim va poyabzal; ust-bosh.

Engil-boshi but.

birin-ketin engil-boshlari shalabbo ishonchli yigitlar jam boʻldilar. — X. Sultonov, Bir oqshom ertagi

Zoriy Xivaning atoqli ulamolaridan engil-boshiga qaramas, aksar devonavor kiyimda yurardi. — S. Siyoyev, Yorugʻ-lik

fl. Engashmoq feʼlining orttirma nisbati.

sft. 1. Ichi, ich hajmi, sigʻimi, sathi katta.

Keng uy. Keng maydon. Keng paykal. Top joyda osh yegandan keng joyda musht yegan yaxshi. — Maqol

Ichkari-tashqari dangʻillama hovli. Ichkari hovlining sahni keng. — Oybek, Tanlangan asarlar

Odamlar sahnga keng davra qurib oʻtirdilar. — M. Ismoiliy, Fargʻona tong otguncha

Togʻ etagin tutib yotar keng paxtazor. — Guldasta

2. Eni, koʻndalang oʻlchami katta; enli, serbar.

Keng yoʻl. Keng daryo. Keng bargli oʻsimliklar.

Orasidan qoʻqonarava bemalol yuradigan keng, uzun ishkomlar ikki tanobdan ortiqroq yerni ishgʻol etgan. — Oybek, Tanlangan asarlar

3. Oʻlchami moʻljaldagidan katta; katta keladigan, bemalol sigʻadigan (kiyim va uning qismlari haqida).

Keng toʻn. Keng shim. Keng yeng.

[Mingboshi] Keng, oppoq surp yaktagining barlarini ikki yoqqa yoyib, sekin-sekin lapanglab bordi. — M. Ismoiliy, Fargʻona tong otguncha

4. Tarqalish, qamrov doirasi katta; koʻp narsani oʻz ichiga olgan.

Keng imkoniyatlar yaratmoq. Keng isteʼmol mollari. Ishning koʻlami nihoyatda keng.

Muhokama qilingan masala yuzasidan keng qaror qabul qilindi. — Gazetadan

Aktrisa oʻz qahramonini keng fikrli, salobatli, ishchan, olijanob iffatli ayol sifatida tasvirlaydi. — Gazetadan

5. koʻchma Mehr-muruvvatli, yaxshilikni ayamaydigan, koʻpchilikka birdek munosabatli.

Kengga keng dunyo, torga tor dunyo. — Maqol

Xolam koʻli ochiq, keng, Ovqatni ulashar teng. — Q. Muhammadiy.