ot 1. Duo qiluvchi, duo oʻquvchi; biror tilak bilan xudoga yolvoruvchi.
Oʻtirganlar dast turib, xon duogoʻyiga qulluq qilishdilar. — S. Siyoyev, Avaz
2. koʻchma Kimsaga yaxshiliklar tilovchi; mehribon.
Sen boʻlgaysan duogoʻyim, Jonim ena, xush qol endi. — Murodxon
Aftidan, kampirim qazo qilganga oʻxshaydi. Duogoʻyimdan ayrildim, elat! — Oybek, Quyosh qoraymas
3. Duolar oʻqib yoki yozib, goʻyo ins-jinslarni qaytaruvchi, shu yoʻl bilan kasallarni davolovchi shaxs.
4. Issiq-sovuqchi, azayimxon.
— Men shu vaqtgacha duogoʻydan hech shifo topmaganman — dedi Qalandar degan bandi. — S. Ayniy, Doxunda.