Qidiruv

ot 1. Biror oʻquv maskanini bitirganlik yoki biror ilmiy unvon, ilmiy daraja berilganligini tasdiqlovchi rasmiy hujjat.

Imtiyozli diplom. Texnika fanlari nomzodi diplomi. Diplom olmoq.

Elmurod institutni imtiyozli diplom bilan tamomladi. — Shuhrat, Shinelli yillar.

2. Universitet, institut va shu kabilarni bitirish oldidan, shunday hujjat olish maqsadida yoziladigan ish, tadqiqot yoki loyiha.

Diplom ishi. Diplom (ishi) yozmoq. Diplomni himoya qilmoq.

Malohat diplom yozar, imtihonlarga tayyorlanar, shuning uchun tun bilan kunning farqi qolmagan edi. — H. Gʻulom, Zamin yulduzlari

Bu yangi uy loyihasi Malohatning ishtirokida tugʻilgan, binobarin, Malohatning diplom ishi edi. — I. Raxim, Tinimsiz shahar

3. Biror huquq yoki mukofot berilganligini tasdiqlovchi guvohnoma.

Beruniy mukofoti laureati diplomi. Qishloq xoʻjalik koʻrgazmasining diplomi. Boksdan jahon chempioni diplomi.

Ayrim jurnalistlar, fotomuxbirlar va tabiat havaskorlari pul mukofotlari va diplomlar bilan taqdirlandi. — Gazetadan

ot 1. Chet mamlakatlar bilan rasmiy aloqa qilish yoki muzokaralar olib borish uchun maxsus tayyorgarlik koʻrgan va shunday ishlar uchun oʻz hukumati tomonidan vakil qilib tayin etilgan lavozimli kishi.

Oʻzbekiston diplomati. Diplomat boʻlib ishlamoq.

1829 yil yanvarda Eron poytaxti Tehronda rus diplomatiga suiqasd qilinadi. S. — Karomatov, Oltin qum

Xitoy diplomatining fikricha, Shanxay beshligining kelajagi porloq. — Gazetadan

2. s. t. Ish, gap, muomalada usta, mohir kishi.

Juda diplomat boʻlib ketibsiz-ku.

Sohibqiron juda mohir diplomat boʻlgan. — Fan va turmush

Savdo xodimi — turli xil odamlar bilan muomala qila oladigan, ilmli va diplomat odam. — Shukrullo, Javohirlar sandigʻi

ot 1. Oliy yoki maxsus oʻrta oʻquv yurtini bitirish diplomi ustida ishlayotgan (diplom ishi yozayotgan) talaba.

Toshkent davlat iqtisodiyot universiteti diplomanti Sh. Rasulovning diplom ishi yuksak baho oldi. — Fan va turmush

2. Musobaqa, tanlovda yutib chiqib, diplom bilan mukofotlangan kishi.

Konkurs diplomanti.

sft. 1. Davlatning chet mamlakatlar bilan boʻladigan rasmiy munosabatlari va diplomatiyaga oid.

Diplomatik akt. Diplomatik aloqa. Diplomatik munosabat.

Oʻzaro teng manfaatli diplomatik aloqalar oʻrnatish zarur va shart. — Gazetadan

Tomonlar uchrashuv vaqtini diplomatik kanallar orqali aniqlab, kelishib oldilar. — Gazetadan

Akramjon goʻyo diplomatik qabul marosimiga yasanganday qora kostyum, oq neylon koʻylak kiyib, qora galstuk taqib olgan edi. — I. Rahim, Tinimsiz shahar

2. Diplomatlarga, yaʼni elchilarga oid.

Diplomatik vakolat. Diplomatik immunitet.

3. koʻchma Chuqur va nozik oʻylab, ehtiyotlik bilan aytilgan yoki qilingan.

Diplomatik javob.

Shunday boʻlsa ham diplomatik ravishda, xotini va qizi orqali ochiqdan-ochiq Saidiyga bildirar edi. — A. Qahhor, Sarob

ot Tarix fanining rasmiy va shaxsiy yuridik hujjatlarning shakl va mazmunini oʻrganuvchi yordamchi tarmogʻi.

ot 1. Davlatning tashqi xalqaro siyosatni amalga oshirish, chet mamlakatlar bilan aloqa qilish sohasidagi faoliyati.

Oʻrta asr oʻzbek diplomatiyasining yirik namoyandalaridan biri Abdurazzoq Samarqandiy atoqli tarixchi olim hamdir. — Gazetadan

Kafillik bersam, bermasam, diplomatiya ishlaridan xabardor boshqa odamimiz yoʻq. — T. Malik, Qaldirgʻoch

2. s. t. Biror maqsadga erishish yoʻlida ustalik bilan olib borilgan muomala.

Diplomatiyani juda boplaysiz-da. He, yashang, diplomatiyangizga qoyilman.