Qidiruv

ot 1. Tashkilot, muassasa, korxona, harbiy qism va shu kabilar boshligʻi, rahbarining oʻz tasarrufidagi tashkilot, muassasa, korxona boʻyicha chiqaradigan rasmiy farmoyishi, amri va shunday farmoyish matni yozilgan qogʻoz; rasmiy hujjat.

Direktor buyrugʻi. Oliy Bosh Qoʻmondon buyrugʻi. Garnizon boshligʻining buyrugʻi. Ishga tayinlash haqidagi buyruq. Buyruq bilan rasmiylashtirmoq. Buyruqni koʻrinarli joyga osib qoʻymoq. Buyruqqa qoʻl qoʻymoq.

Qoʻmondonning buyrugʻi bilan uchta oʻgʻildan bir ekipaj tashkil etilibdi. — I. Rahim, Chin muhabbat

Nima desam ekan, qani yuring-chi, buyruqda nima deyilgan ekan. — S. Ahmad, Qadrdon dalalar

Nusratbek Paygʻomov bilan gangur-gungur suhbatlashib turgan mahalda, kotiba buyruqni olib kirdi. — S. Nurov, Maysalarni ayoz urmaydi

2. Ogʻzaki yoki yozma topshiriq, amr, farmon.

To esini tanigandan boshlab buyruqlariga soʻzsiz boʻysunib kelgan Gulnor, hech nima oʻylamasdan, oʻrnidan turdi. — Oybek, Tanlangan asarlar

Moʻminning ovozidagi qatʼiyat, buyruq Laylini boʻshashtirdi. — S. Zunnunova, Koʻk chiroqlar

Shu asnoda kotiba shofyorga raisning buyrugʻini aytdi. — S. Nurov, Maysalarni ayoz urmaydi

ot Buyruqbozlikni, buyruq berishni yaxshi koʻradigan odam.

Xoʻsh, ishchan bir xodimning manman va buyruqbozga aylanib ketishiga nima sabab boʻldi? — Gazetadan

Buyruq ohangida, buyruq qilganga oʻxshash.

ot Buyruq matni yozilgan qogʻoz, hujjat.

— Farmonov oʻz qoʻli bilan, toʻyga keling, deb xat yuboribdi. Bu taklifnomadan koʻra ham buyruqnomaga oʻxshardi, — dedi usta. — Mirmuhsin, Sozanda

Buyruq tarzida; buyruq ohangidagi, buyruqnamo.

Toyloqovning gapi buyruqomuz boʻlib, u goʻyo Onaxonning kelishiga yuz foiz ishonganday gapirardi. — Mirmuhsin, Ildizlar va yaproqlar

Avvaliga bolaning buyruqomuz gaplari erish koʻrinsa-da, borib-borib hamma koʻnikib ketdi. — S. Zunnunova, Koʻk chiroqlar

Men mezbonlar bilan xayrlashib, xursand boʻlib, koʻchaga chiqqanimda, Uygʻurning buyruqomuz ovozini eshitdim: — Ovozingizni ehtiyot qiling!\. — Nosirova, Men oʻzbek qiziman

DOS yoki Unixdagi oʻrin. Unda foydalanuvchi mashinadan nima xohlayotganini xabar qilish uchun buyruqlarni kiritadi. Operatsion tizim oilasining maxsus oynasida shunga oʻxshash oʻrin bor.inglizchacommand lineruschaкомандная строка