1. Hech qanday zavol, zarar koʻrmaydigan; zavolsiz; abadiy, soʻnmas, barqaror.
Bezavol hayot. Bezavol quyosh.
Iloyo, shu yigitchaniyam umri uzoq, boʻlsin. Baxti bezavol boʻlsin. — Oʻ. Hoshimov, Ikki eshik orasi
Nazarida, nur toʻshalgan bu yoʻl bolalarning shodmon kulgisi yangragan bezavol olamga eltadigandek tuyuladi. — E. Usmonov, Yolqin
2. Rivoji toʻxtamaydigan, orqaga ketmaydigan, doimo omonda boʻladigan.
Sizni koʻrsam, esga tushar togʻ qizi, Bezavol oʻlkaning begunoh qizi. — H. Saloh
Toki mavjud ekan zaminda ayol, hayot abadiydir, dunyo — bezavol. — Gazetadan