Қидирув

шв. Оч биқин. "Равшан". "Нигор ва Замон"

Шукуни.. жонивор Ғиркўк сузилиб, буюри-буюрига қапишиб.. Ширвонга кириб борди

Уйқулар қовоққа қотди, Отлар буюрин тортди

фл. 1. Истак-талабни бажаришга кўрсатма бермоқ; буйруқ бермоқ, амр, фармон қилмоқ.

Иш буюрмоқ. Болани ишга буюр, кетидан ўзинг югур. — Мақол

Ишёқмасга иш буюрсанг, Сенга ақл ўргатар. — Мақол

Унинг нозиклиги, кўҳликлиги ҳурмати аяб, енгил-елпи ишларни буюрарди. — С. Аҳмад, Уфқ

Мен ҳазрати олийлари буюрган Мадраса тарҳини чизиш билан бандмен. — П. Қодиров, Юлдузли тунлар

Ҳоким ясовулни чақириб, ёʻлга ҳозирланишни буюрди. — М. Исмоилий, Фарғона тонг отгунча

Ўлимга буюрдингиз, бизнинг нима гуноҳимиз бор экан? — Луқмони Ҳаким

2. Бирор нарсани тайёрлаб бериш учун мурожаат қилмоқ; буюртма бермоқ, буюртирмоқ.

Палто буюрмоқ.

Муҳиддин толеига официант ҳам тез кела қолди. Чой ва овқат буюрди. — Р. Файзий, Чўлга баҳор келди

Келин пошшага тилла узук буюрдингизми? — А. Қодирий, Ўтган кунлар

Туфлини дарҳол гиламга қўйиб, кийиб кўрди: — Ўзимга буюртирилгандай! — Ҳ. Ғулом, Тошкентликлар

3. Топширмоқ, бермоқ (қонун ёʻли билан).

Нафақа керак бўлса, даромадимнинг ярмини олинг, лекин болани тинч қўйинг. Бермайман, овора бўлманг! — Нега? Болани онага буюради-ку! — А. Қаҳҳор, Қўшчинор чироқлари

4. тиб. Тавсия қилмоқ, ёзиб бермоқ, (дори-дармон, парҳез ва шу кабилар ҳақида).

Парҳез буюрмоқ.

Фақир бу сабилга оғуштабиз, баважҳ дафъи савдойи табиб буюрган. — Ҳамза, Танланган асарлар

Менми? Менга нима ром келишини ўзим ҳам билмайман. Лекин докторлар коняк буюрадилар, майли, коняк бўлсин. — Ойбек, Танланган асарлар

5. Бирор иш, топшириқ билан бирор жойга юбормоқ, жўнатмоқ.

Хушрўй хизмат-чини ўчоқ боши юмушларига буюриб, чойни ўзи қўйди. — А. Қодирий, Ўтган кунлар

Ўзбек ойим бурчакда бола кўтариб ўтирган Зайнабдан чақалоқни олиб, уни жомни тўкиб келишга буюрди. — А. Қодирий, Ўтган кунлар

Хизмат деса жуда абжир бўламан, Нима буюрсангиз, ишлаб келаман. — Муродхон

6. Тақдир қилмоқ; хоҳламоқ, истамоқ.

Тангрининг буюргани шу экан. Лекин, Меъмор, сиз яхши одамсиз, дилимга ёқасиз. — Мирмуҳсин, Меъмор

— Ўғлим, кўнгил буюрган ишдан зарури бўлмайди, — деди раис Тошпўлатовга. — Р. Файзий, Чўлга баҳор келди

от 1. Бир нарса ясаб, тайёрлаб, ишлаб бериш ҳақидаги топшириқ, талаб.

Буюртма бермоқ. Буюртмалар қабул қилмоқ.

Тошкентда катта консерт залининг фоесини безашдек катта буюртма ҳам унга топширилди. — Ёшлик

Кўзойнакка буюртма берар экансиз, мос келадиган гардиш танлаш керак. — Газетадан

Официантка буюртма олгани келди. — П. Қодиров, Уч илдиз

2. сфт. Топшириқ асосида тайёрланадиган; буюртирилган.

Буюртма этик,

Қундузнинг онаси азондан туриб, нари-бери ҳовлиларини супуриб, буюртма тўппиларни тикишга ўтиради. — Ойдин, Бечора

Асадов ҳафтада уч кун тикувчилик артелида ишласа, тўрт кун уйида буюртма туфли тикади. — Газетадан

фл. айн. Буюртирмоқ.

фл. Буюрмоқ феълининг мажҳул нисбати.

от айн. Буюртма.

Буюртирма палто.