Қидирув

от 1. Ўрта Осиёнинг, шунингдек, Ўзбекистоннинг турли ерларида турли мезонга, салмоққа эга бўлган (икки пуддан ўн бир пудгача) оғирлик ўлчов бирлиги.

Чумчуқ семиргани билан ботмон бўлмас. — Мақол

Бедананинг ҳам ўзига яраша ботмони бор. Мақол.

Етмиш ботмон тошни кўтариб отди. — Интизор

Худо сенга бир ботмон куч берган-у, бир мисқол ақлни аяган! — Ойбек, Қуёш қораймас

2. Тахминан бир гектарга тенг сатҳ ўлчов бирлиги.

Мавлон аканинг мерос маҳрига тушган икки ботмон ери бор. — Ҳ. Ғулом, Машъал

Шу ўттиз чақиримли ариқ қазилиб битганда, Наманган ва Андижон туманларидан икки минг ботмонгача ер суғорилар эди. — А. Қодирий, Меҳробдан чаён

Раисни касал деб ўйлаб, ҳамманг қутуриб кетдинг. Қўш ҳўкиз овора-ю, бир ботмон ер ҳайдама й сан. — М. М. Дўст, Лолазор

сфт. Қанчадир ботмондан иборат.

Беш ботмонли.

фл. Ботмон билан ўлчамоқ, ботмонлаб сараламоқ.

Ботмонлаб совурмоқ.

Ўрда дарвозасининг саҳни ботмонлаб ҳисобланган мевазор бўлиб, бунда олма, ўрик, нок ва тут ёғочлари хийлагина бор эди. — А. Қодирий, Ўтган кунлар

Аканг-ку мисқоллаб топган обрўйимни ботмонлаб совуриб юборибди. — Шуҳрат, Жаннат қидирганлар

Хавотир олма, болам, худо халлоқ. У бандасига дардни ботмонлаб бериб, мисқоллаб олар экан. — К. Яшин, Ҳамза

Қанча қанча ботмон, неча-неча ботмон.

Асқархўжага қарашли ботмон-ботмон ерлардан кўп қисмини қароллар аллақачон бўлишиб олишган эди. — Ғайратий, Ёшлигимсиз

Ботмон-ботмон сувли ерлар кўз илғамас, Бизнинг кучдан яшнадилар, бас, энди бас! — Ғ, Ғулом

Жуда катта; жуда оғир, жуда кўп.

Боғни боқсанг, боғ бўлар, ботмон-даҳсар ёғ бўлар. — Мақол

Болезнь входит батманами, а выходит золотниками.

[Муқаддас:] ...Натижа кўнгилдагидек. Бир ойдан кейин гипсни олиб ташлаш мумкин. [Ботиров:] О-ҳо-ҳо! Яна бир ой?! [Муқаддас:] Касал ботмонлаб киради, мисқолллаб чиқади. [Муқаддас:] Все идет как нужно. Через месяц можно будет снять бинт. [Батыров:] Ого! Ждать еще месяц?! [Муқаддас:] Сами знаете: болезнь входит батманами, а выходит золотниками. — Б. Раҳмонов, Олтин одамлар.