Qidiruv

ot 1. Mix qoqish, narsalarni urish, tekislash, egish yoki bukish kabi ishlarda qoʻllanadigan, yogʻoch yoki temir dastali asbob.

Ostonada munkayib oʻtirgan chol yonboshiga qoʻyib olgan paqirdan qiyshiq-qingʻir mixlarni olib, bolgʻa bilan toʻgʻrilardi. — S. Ahmad, Jimjitlik

Uning [Zamonning] bir qoʻlida mushuk kallasiday kaltasop bolgʻa, bir qoʻlida temir pona. — M. Ismoiliy, Fargʻona tong otguncha

2. tex. Metallarga, umuman narsalarga zarb bilan ishlov beradigan ogʻir mexanizm.

Bir qoziqning yerga kirishi qiyin boʻldi, motorni boshqarayotgan yigit bolgʻani ancha yuqoridan tashladi. — S. Yunusov, Kutilmagan xazina

ot 1. Bolgariya mamlakatiga mansub tub xalqning (millatning) nomi.

2. Shu xalqqa mansub, tegishli.

Bolgar xalqi. Bolgar tili. Bolgar ayol.

sft. Oʻzbek urugʻlaridan biri.

ot zool. Suvga yaqin oʻrmonlarda yashovchi, uzunoyoq qushlar turkumiga mansub qush, soyaqush.

Bolgʻabosh kunduzi oftobdan qochib, oʻsimliklar ostida yuradi, shuning uchun soyaqush ham deb ataladi. — OʻzME

ot zool. Boshining ikki yonidagi oʻsimtasi bolgʻaga oʻxshagan, akulasimonlar turkumiga mansub baliq.

fl. Bolgʻa bilan urmoq, bolgʻa bilan urib ishlov bermoq.

sandon ustiga qoʻyilgan mis tunukani terlab, bir meʼyorda bolgʻalayotgan qotma arabga koʻz tashlamay ilojimiz yoʻq. — Mirmuhsin, Hikoya va qissalar

Korpusda metall bolgʻalash mashinalarining odatdagi shovqinini eshitmaymiz. — Fan va turmush