Қидирув

от 1. Атиргуллилар оиласига мансуб, сермой мағзи истеъмол қилинадиган дарахт.

Олмадан бодом бўлмас, таги паст одам бўлмас. — Мақол

Бодом минг йиллардан бери халқ табобатида шифобахш бўлган ўсимлик сифатида машҳур. — М. Набиев, Бодом

2. Шу дарахтнинг меваси (данаги).

Аччиқ бодом. Бодом ёғи. Одам — одам билан, писта — бодом билан. — Мақол

Меҳмонларга писта, бодом, қуруқ мевалар жуда мўл-кўл тортилди. — Ойбек, Навоий

Жажжи мушт-чаларига бодомми, ёнғоқми қисиб олган. — С. Сиёев, Отлиқ аёл

Абдишукур бодом-писта чақиб, аччиқ чой ичиб, яйраб ўтирди. — Ойбек, Танланган асарлар

от 1. тиб. Организмни ҳимоя қилиш жараёнларида қатнашувчи, ҳалқумда жойлашган, бодом шаклли лимфасимон тўқималар мажмуи.

Маълум ёшдаги болалар-да томоқдаги бодомча безлар яллиғланиши, қулоқ оғриши мумкин. — Газетадан

2. бот. Раънодошлар (атиргуллилар оиласи)га мансуб сершох ва сертикан бута.

от Бодом дарахтлари экилган ер; бодом боғи.

Бодомзорда отим яйраб, ўтлаган дам, Ўша ўғлон куйлар эди шўх шеърлар. — Газетадан

сфт. Кўз қовоғи бодом шаклида бир оз дўппайган; шундай қовоқли одам.

ёш бир жувон беллари хипча, бодомқовоқ ўн саккиз ёки ўн тўққиз ёшлардаги гўзал бир малак. — Мирмуҳсин, Меъмор

Унинг бодомқовоқлари остидаги кичик қора кўзлари қандайдир ноз ва эҳтирос билан ёнади. — Ойбек, Танланган асарлар

Умидим бор, оларман, албатта, бодомқовоғимни. — Нигор ва Замон

Ёр қўлида мис товоқ Ўйнасин бодомқовоқ. — Оқ олма, қизил олма

Ўзим айланаман бодомқовоқдан, Миннатдорман ёрим берган сабоқдан. — Қўшиқлар

сфт. Бодом шаклига ўхшаш (кўз ҳақида).

Табиат Маҳмудадан хотин-қизларга хос латофатларини аямаган: қийғоч қошлар, бодомсимон қийиқ кўзлар, хумор кўзлар — Ҳ. Зиёхонова, Биринчи мактуб

погов. миндаль