фл. 1. Бирикмоқ феълининг орттирма нисбати.
Деталларни бириктирмоқ. Моддаларни бириктирмоқ.
Биз нутқимизда айрим сўзларни ўзаро бириктириб, гап тузамиз ва фикримизни баён қиламиз. — Ўзбек тили дарслиги
Тирик қолган жангчиларни дарҳол ҳар иккала тўп расчётига бириктириб, тўпларни жанговар ҳолатга келтирди. — Газетадан
2. Ихтиёрига бериб қўймоқ, топширмоқ.
Деҳқон-фермерлар фойдаланиб турган ерлар уларга доимий бириктириб қўйилади.
Янгидан ташкил қилинган боғлар тажрибали боғбонларга бириктириб қўйилмоқда. — Газетадан
3. Ёʻл-ёʻриқ кўрсатиш, ёрдам бериш ёки қараб туриш учун боғлаб, қўшиб қўймоқ.
Бирмунча тажрибали ёзувчилар консултация ишига бириктириб қўйилди. — Н. Сафаров, Оловли излар
Ҳар бир ўқув кабинети ва устахонага комбинат бўлимларининг раҳбарлари бириктириб қўйилган. — Газетадан
- Бошини бириктирмоқ
- Тил бириктирмоқ Барно билан тил бириктириб қўйганига қарамай, совчилар қайтгунча, оёғи куйган товуқдай питирлаб қолди. — О. Ёқубов, Эр бошига иш тушса