Қидирув

от 1. Кийим-кечакнинг тахлити, фасони, бичиғи.

Айтишларича, бутун Японияда бир неча миллион кимоно бўлса ҳам, ё рангида, ёки гулларида, ёки бичимида албатта тафовут бўлади. — Ҳ. Ҳасанов, Экватордан ўтганда

Қизлар бу кийимнинг материалини, бичимини зўр иштиёқ билан мақтаб кетишди. — Ж. Абдуллахонов, Хонадон

2. Тана (гавда) тузилишининг яхлит кўриниши, қад-қомат; қиёфа.

Бичими келишган йигит.

Саидғози уларнинг [Пўлат ва Шерматнинг] бичимига қараб, дарров таниди. — С. Анорбоев, Оқсой

Бу ердаги отлар турли тусда ва турли бичимда бўлиб, зотли, нодир отлар эди. — Ойбек, Танланган асарлар

Қиз ҳали ёш бўлса-да, бўйчан эди, бичими ингичка ва самбитгул новдасидай адил эди. — Ойбек, Танланган асарлар

3. Шакл, ўлчам.

Китоб бичими 84х108 бўлган қоғозга босилган.

сфт. Бирор бичимга эга бўлган, ташқи тузилиши, қиёфаси келишган, хуш-бичим.

Бичимли кийим.

Бораёца, шер бичимли, кўзи кўр, сулув бир киши саройнинг оғзида ҳассасини суяб турибди. — Гўрўғли

сфт. Бичими келишмаган, беўхшов.

Бичимсиз кийим.

Миркомилбойвачча оёғини чалиштириб, кичкина, бичимсиз юзини мастларча буриштириб, папирос тутатади. — Ойбек, Танланган асарлар

сфт. 1. Яхши тикилган; кийганда ярашадиган, бичими яхши (кийимлар ҳақида).

Хушбичим дўппи. Хушбичим костюм,

Ўғилой чўлқуварлар фарзандларига чиройли ва хушбичим кийимлар тикиб берди. — Ўзбекистон қўриқлари

2. Бўйи-басти келишган, қадди-қомати чиройли.

Хушбичим йигит.

Бир байрам кечасида унинг [Назокатнинг] сермароқ рақси ва хушбичим қадди-қоматини кўрган қандайдир меҳмон уни балет мактабига таклиф қилди. — Шуҳрат, Умр поғоналари

3. Ташқи қиёфаси, тузилиши, кўриниши чиройли, келишган.

Хушбичим иморат.

Улардан бири [Алиев] барваста қомат, қуюқ қора қошли, хушбичим чеҳрали йигит эди. — Ҳ. Шайхов, Рене жумбоғи

от Келишганлик.