сфт. 1. Ясанган-тусанган, ниҳоятда чиройли, кўркам; олифта.
Кийимлари башанг қозоқ бийлари, бўлислари ва қўйчи бойлари виқор билан от устида юрадилар. — Ойбек, Болалик
У [Соҳиба] худди улуғ байрамлардагидек башанг кийинган. — Газетадан
Меҳмонхонага башанг кийинган ёшгина йигит кириб келди. — Ёшлик
Одамлар ҳозирги кунда янги, башанг кийиниш учун сарф-харажатдан қочмайдиган бўлиб қолишган. — Газетадан
2. Ўзига зеб беришни, модага мувофиқ кийинишни яхши кўрадиган, модабоз, олифта.
Башанг аёл.
Жой бермади трамвайда Аллақандай бир башанг, Касофатнинг касри уриб, Яна тағин сиз тажанг. — А. Орипов
3. кўчма Чиройли, дид билан безатилган.
Дастурхон бир нафаснинг ўзида худди байрамдагидек башанг туе олди-қўйди. — Л. Тожиева, Меҳрим сизга, одамлар
Уни башанггина жиҳозланган хонага таклиф қилди. — Ш. Тошматов, Тонгдаги кўланка