Поиск

ot shv. Bola.

Bachaga ish buyur, Izidan oʻzing yugur. — Maqol

Mening bacham, yoshginam, alla-yo, alla, Yonimda yoʻldoshginam, alla-yo, alla. — Qoʻshiqlar

E, savdogar bacha, meni senlama! Men paygʻambar yoshidagi odam-man. — Mirmuhsin, Meʼmor

ot 1. Oʻsimlik tanasining, poyasining ostidan, yon-beridan oʻsib chiqqan mayda shoxchalar, nihollar.

Daraxt tanasining ostida qoʻshimcha bachkilar oʻsib chiqib, ular daraxtni toliqtirib qoʻyadi. — Sharq yulduzi

Kimningdir zaif qoʻllari bilan tol chiviqqa chala koʻtarilgan zanglarda onda-sonda charoslar qorayib koʻrinardi-yu, toklarni bachki novda bosib, gʻovlab yotardi. — A. Muxtor, Chinor

2. Koʻkligida oʻrib olishga moʻljallab ekilgan makkajoʻxori.

Bachki ekmoq. Bachki oʻrmoq.

Bachki makkapoyalar pishib yetilganiga qaramay oʻrilmayotir. — Gazetadan

Shu kunlarda oʻrilgan maydonlarda makkajoʻxori tagpoyasi tez koʻkarib, sal kunda bachkisi silosbop boʻladi. — Gazetadan

3. s. t. esk. Bolalar poyabzali.

Oʻgʻlim, besh bachkini pullab, ip, mum, sirach, lok olamiz, xoʻpmi?! — Oybek, Tanlangan asarlar

4. koʻchma Mayda, arzimaydigan, ikkinchi darajali, keraksiz.

Adabiyot bogʻimizda chilpib tashlaydigan bachki novdalar koʻpayib qoldi. — Gazetadan

Biz bachki mavzularga qarshi kurash olib borishimiz lozim. — Gazetadan

Men oʻn yildan beri, allaqanday bachki sabablar bilan bir-biridan arazlashib gaplashmay kelgan ikki qoʻshnini tanir edim. — Gazetadan

ot 1. shv. Bola.

Duoyi salom oʻsha bachchalarning onasiga, umid bilan bir yostiqqa bosh qoʻyib, kecha-kunduz duoyi jonimda boʻlganga! Oydin, Shirin keldi.

2. etn. Birovning (akavachchasining) qaramogʻida va ixtiyorida boʻlgan xushroʻy, kelishgan oʻyinchi oʻgʻil bola; besoqol.

Oʻsha bachcha ham odam farzandi. Ota-onasi kambagʻallikdan uni bachchalikka sotgandir. — Oybek, Tanlangan asarlar

3. Umuman oʻyinchi bola, raqqos.

Nogʻorachining bachchasi.

Oʻrtada oʻn olti-oʻn yetti yashar bachcha oʻynaydi. — Oybek, Tanlangan asarlar

Nogʻora choʻpining tez urilishi, bachchaning bir aylanishi va kuchli, yalpi qiyqiriq bilan bazmning birinchi qismi tugadi. — Oybek, Tanlangan asarlar

ot 1. anat. Ayollar tanosil aʼzosining homila oʻsib yetiladigan ichki qismi.

Bachadon qovuq bilan toʻgʻri ichak orasida joylashgan, shakli toʻntarilgan nokka oʻxshaydi. — OʻzME

2. anat. Urgʻochi hayvonlarning ayni shunday ichki jinsiy aʼzosi.

ot shv. Folk. Yoshlik, bolalik; tajribasizlik.

Hali oʻzi yosh, Andak bachalik qildi. — Hasanxon

Bachalikdan qaytarma-dim rayingni — Nurali

sft. 1. esk. Bolalar uchun moʻljallangan (ust-bosh, oyoq kiyim haqida).◆

Bachkana mahsi.

Hayitga narsa olishga ulgurolmaganlar chin arafa kechasi tipirchilab qolar katta-yu kichigining farqiga bormay “mardona“, “zaifona“, bachkana kiyimlarni sotib olar edilar. — M. Muhammadjonov, Turmush urinishlari

2. koʻchma Yosh bolalarga xos boʻlgan, kattalarga, katta yoshdagi kishilarga yarashmagan, kelishmaydigan.◆

Bachkana qiliqlar. Bachkana odam,

Habiba ukasining bachkana qiliqlariga gʻashi kelsayam, indamay qoʻyib berdi. — Q. Kenja, Togʻ yoʻlida bir oqshom

U oʻziga yarashmaydigan bachkana harakatlar qilar edi. — Mushtum

— Xi-xi-xi, — bachkana kuldi chol. — Oybek, Tanlangan asarlar

3. koʻchma Bolalarcha mulohaza yuritilgan; qisqa oʻylangan; yuzaki, xom.◆

Bachkana asar.

Jinoyatchilarning koʻpi bachkana masalalar ustida shikoyat qiladilar. — Gazetadan

U hozirgi bir necha shoirlarning eski shaklda, bachkana mazmunli sheʼrlaridan misollar koʻrsatib, majlisni kuldirdi. — Oybek, Nur qidirib

4. Yarashmaydigan, mos kelmaydigan; soxta.◆

— Tavba. Buvnisa, [paranji] bachkana koʻrinar ekan-a? — dedi. — R. Fayziy, Choʻlga bahor keldi

oʻzlari oʻralashib qolgan bachkana hissiyot va kechinmalarini yuksak grajdanlik pafosiga qarama-qarshi qoʻydilar. — Gazetadan