Қидирув

от Қонунда белгиланган ҳолларда оиланинг бир аъзоси томонидан бошқа аъзоси ёки аъзоларини моддий таъминлаш учун мажбуран тўланадиган маблағ, нафақа.

эри билан уришиб-жанжаллашиб ажрашмагани учун алимент ҳам талаб қилмади. — П. Қодиров. Уч илдиз

от Араб алифбосининг биринчи ҳарфи ва унинг номи.

от с. т. Саломга қайтариладиган жавоб; жавоб саломи.

Алик олмоқ (қайтармоқ). Салом ҳам фарз, алик ҳам фарз. — Мақол

Синф бир оғиздан Ассалому алайкум! деб қичқирди. Аммо салом аликсиз қолди. — М. Исмоилий, Фарғона тонг отгунча

— Гулистонликлар андак нарида, — дейишди кампирнинг саломига алик олган кишилар. — И. Раҳим, Чин муҳаббат

от ҳуқ. Айбдор деб гумон қилинаётган шахснинг жиноят содир бўлган пайтда шу жойдан бошқа жойда бўлиши (бу ҳол унинг жиноятга алоқаси ёʻқлигини тасдиқловчи далилдир).

Шожамил Кабировичнинг қотиллик юз берган кунга тўла алибиси бор. Демак, аввало қотилни топиш лозим. — С. Мирзо, Ярим тундаги қотиллик

Сувайирғич, икки ёки бир неча дарёни бир-биридан ажратиб турувчи баландлик

от 1. Кишига қаттиқ ботмайдиган, мулойим, ёқимли (товуш, муомала ва шундай муомалали киши ҳақида).

Ҳалим муомала.

Сув тепасида одамлар ўт бўлиб ёнади, бошқа вақтларда энг сокин, энг ҳалим одамлар, сув бошида жанжал чиқса, сўз ва далил ўрнига мушт билан, кетмон кўтариш билан иш кўришга тиришадилар. — Ойбек, Танланган асарлар

Бир-икки дақиқа сукутдан сўнг Саидаҳмадхон сунъий табассум, ҳалим овоз билан сўз бошлади. — Ойбек, Улуғ ёʻл

Ҳар гапидан, ҳаракатидан ғурур акс этади. Муомалада ҳалим. А. — Қаҳҳор, Сароб

Умар қишлоққа кўчиб келган кезлари юмшоқ супургидай ҳалим йигит эди. — Муштум

2. Ҳалим (эркаклар исми).