Қидирув

фл. 1. Раҳм-шафқат қилмоқ, раҳмдиллик қилмоқ.

Аямасдан урмоқ. Аямасдан танқид қилмоқ. Ёвни аяган яра ер. — Мақол

Девларни аяманг, ўлдиринг, Заргар. Маликайи айёр.Зулфия опа муғамбир ва алдоқчини ва айниқса айёр одамни ёмон кўради, аямайди. — Саодат

2. Эҳтиёт ҳолда тутмоқ, эҳтиётлик билан муносабатда бўлмоқ.

Аяган кўзга чўп тушар. — Мақол

Баъзи ота-оналар болаларини аяган бўладилар-да, уларни ҳаёт учун яроқсиз, жисмоний заиф қилиб қўяётганларини билмай қоладилар. — С. Зуннунова, Олов

3. Дариғ тутмоқ, ҳайф кўрмоқ; қизғанмоқ.

У мендан ҳеч нарсани аямайди.

Маънавиятни мустаҳкамлашга меҳнат ва маблағни аямоқ ўзини келажакдан маҳрум қилиш демакдир. — Газетадан

[Инсоф-диёнатли одам] қўли калталардан мурувватини аямайди. — Газетадан

Меҳнатингни аямасанг, сув бўлса, ўзинг ҳам, молинг ҳам тўқ. — С. Сиёев, Ёруғлик

от кам қўлл. айн. Аянчли.

Ғуломжон Матқовулнинг аянч аҳволига қараб, юраги эзилди. — М. Исмоилий, Фарғона тонг отгунча

Ғалати, ювош, мулойим, беозор ва аянч назар билан Зебига қаради. — Чўлпон, Кеча ва кундуз

сфт. Алам-изтироб акс этувчи ҳолатли, ачиниш ҳисси уйғотадиган.

Дунёда ҳамма нарсадан мосуво бўлган бу аёлнинг ҳозирги аҳволи жуда аянчли эди. — С. Аҳмад, Жимжитлик

фл. Аямоқ феълининг биргалик нисбати.

фл. Аяламоқ феълининг биргалик нисбати.