Қидирув

сфт. 1. Аъло сифатли, энг яхши; тоза, соф (қалбаки, паст эмас).

Асил мол. Асил шойи. Асил буюм. Асил айнимас, айниса ҳам чиримас. — Мақол.

Оёққа чулғов қилсанг ҳам, асил ипак бўз бўлмас, деб шуни айтади. — А. Мухтор, Кумуш тола

Кела қолинг, лалми қовун, мармар тарвуз сабзининг асили. — Газетадан

2. кўчма Яхши хислатларга, фазилатларга эга бўлган; олижаноб, бебаҳо; соф, пок.

Асил одам. Асил фарзанд.

[Комилов Қодирга:] Яна бўрк ол десам, бош олиб юрма! Дадавой ака каби одамлар бизга керакли одамлар. Хатолари, нуқсонлари кўп бўлса ҳам, юраги асил кўринади. — Уйғун, Навбаҳор

3. Асил (эркаклар исми).

от Феодал ва буржуа-дворян жамиятида: юқори табақали зотларга мансуб шахс; оқсуяк.

от 1. эск. Бирор ишни амалга ошириш учун ёʻл, баҳона, сабаб.

Маъсумани эзарга бу бир васила эрди, Дин исмидан қилинган найранг-у ҳийла эрди. — Ғ, Ғулом

2. Васила (хотин-қизлар исми).

Бир-бирига уланиб кетган; узлуксиз, тўхтовсиз.

Муттасил иш. Муттасил қатнов.

Поёнсиз жазирама қум саҳросининг нақ ўртасидан офтобнинг муттасил жазиллатиб санчаётган найзаларига бардош бериб биров боради. — А. Ҳакимов, Илон изидан

Уч кеча-кундуз муттасил ёққан лайлак қор куни кеча босилди. — С. Анорбоев, Оқсой

[Амир Темур] Замондош ҳукмдорлар билан элчилик алоқаларини ёʻлга қўйиб, муттасил ёзишмалар олиб борган. — Фан ва турмуш