Қидирув

от 1. Ер сатҳининг, бошқа осмон жисмлари ёки осмон гумбазининг қоғоз, тахта каби текисликка чизилган шартли тасвири; харита.

Географик карта. Маъмурий-сиёсий карта. Юлдузлар картаси.

Олимлар карта — дунёнинг фазовий, тасвирий образидир, деб таъриф беришган. — Фан ва турмуш

Жонажон ўлкамиз ва нотаниш юртларни ўрганиш мақсадида карта бўйлаб қанчадан-қанча саёҳат қилганмиз. — Фан ва турмуш

2. Ҳар бири ўзига хос ранги, тасвири, холи, очкоси билан фарқланувчи тўғри тўртбурчак шаклидаги ўйин қоғозлари дастаси ва улар воситасида бўладиган ўйин; қарта.

Баъзан картани беш киши бўлиб ўйнашарди. Ё. Ҳайимов, М. — Раҳмон, Ҳаёт-мамот

Поезд Янгиёʻлдан ўтмасданоқ ёнверидаги купеда кетаётган кишилар Салимхонни кўриб қолишиб, бирин-сирин кириб, купе тўлди. Карта ўйини бошланиб кетди. — Мирмуҳсин, Умид

3. Бирон-бир маълумот(лар) билан тўлдириладиган бланк, варақа.

Санатория-курорт картаси.

4. махс. Ичида магнитли ахборотлар ёзилган ва турли ҳисоб-китоблар учун фойдаланиладиган тўғри тўртбурчак шаклидаги гувоҳнома, ҳужжат.

Кредит картаси.

от Саноқ сонлар ва сон миқдор билдирувчи сўзлар билан келиб, шу сонга тенг такрорни билдиради.

Ойда бир марта чиқадиган газета. Хатни бир неча марта ўқидим. Шу гапни бир-икки марта эшитдим.

Бир неча ой мобайнида қиз ўзи хоҳлабми ё Сидиқжон асти қўймагани учунми, боққа яна бир неча марта тушиб чиқди. — А. Қаҳҳор, Қўшчинор чироқлари

— Гадойликдан ўлим яхши, минг марта яхши, — йиғлаб деди Шоқосим. — Ойбек, Танланган асарлар

от Ўқувчилар учун мўлжалланган, устки тахтаси ўтирган ўқувчи томон бир оз қия ўрнаштирилган, остки қисми ўриндиғи билан бирлаштирилган махсус стол.

Бир партада ўқиган болалар.

Ўқитувчимиз Исоқ ака ўқиш китобимизни парта устига олиб қўйишни айтдилар. — С. Ғафуров, Жонли совға

Ичкаридаги ҳар бир парта рақамланган: назоратчи қуръа ташлаш ёʻли билан абитуриентларни жойлаштиради. — Газетадан

от Отнинг ёғли ёʻғон ичаги ва ундан махсус тайёрланган, кўпинча яхна қилиб ейиладиган таом.

Шойи кийдим, кимхоб кийдим, устимда ёʻқ, Қази билан қарта едим, қорнимда ёʻқ. — Мақол

Қази, қарта, сиркаланган ва тузланган сабзавотлар эса қиш ойларида тановул қилинади. — К. Маҳмудов, Ўзбек тансиқ таомлари

от бот. Чирмашиб ўсадиган бир йиллик ўцимон ўсимлик.

от эск. кт. Нур, шуъла.

Унинг [Кумушбибининг] кўз ўнгида жой олган қораликлар шу ёқила бошлаган нажот шамлари партави билан ўз-ўзларидан ёʻқолгандек кўринарлар эди. — А. Қодирий, Ўтган кунлар