Поиск

sft. 1. Aqldan ozgan, devona, jinni.

U betlari yumdalangan, oppoq sochlari yulingan bu telba xotinni oʻzining qirq yillik umr yoʻldoshiga oʻxshata olmadi. — M. Ismoiliy, Fargʻona tong otguncha

Osiyajon qah-qah urib kulib yubordi, hamma, qiz telba boʻlgan, deb unga qaradi. — J. Sharipov, Xorazm

2. Biror narsaga, kimsaga ortiq darajada berilgan; savdoyi, shaydoyi.

Faqir ham shu fikrning telba bandasidir. — Oybek, Navoiy

3. Telbaga xos, telbalikni aks ettiruv-chi; maʼnosiz.

Telba koʻzlari bilan Bektemirga boqdi-da, ukasining qonli miltigʻini changalladi va shamolday uchib, Bektemirdan ham oʻzib ketdi. — Oybek, Quyosh qoraymas

Siz mening telba soʻzlarimdan achchigʻlanmang. — A. Qodiriy, Oʻtgan kunlar

4. koʻchma poet. Jilovlanmagan, asov, quturgan.

Telba daryo. Telba toʻlqinlar.

Joʻsh urib, qirgʻogʻini Hoʻplar edi telba soy. — Gʻayratiy

Telba shamol quturib hamla qildi. Avaylab oʻstirilayotgan nihollarni ildizi bilan qoʻporib ketdi. — A. Nabixoʻjayev, Mandat

Xorazmda Amuni koʻpdan Telba daryo deb atashadi. — E. Rahim

ot 1. Tepasi yumaloq, doira shaklli, tekis moʻyna jiyakli issiq bosh kiyimi.

Savsar telpak.

Kimki, oyogʻi tolib, sal orqada qolsa, tulki telpak kiygan badqovoq qoʻrboshi beshotar qoʻndogʻi bilan uning kuragiga turtib, peshtaham soʻzlar bilan soʻkadi. — H. Gʻulom, Mashʼal

2. s. t. Moʻynali har qanday issiq bosh kiyimi (quloqchin, papax, tumoq va shu kabilar).

Men Rahimovni oddiy kishilar, soldatlar orasida uchratdim, uning ustida poʻstini va boshida qorakoʻl telpagi bor edi. — A. Rahmat, Generalning shuhrati

Oʻrta boʻyli, ozgʻin, qora charm telpakni boshiga bostirib kiygan kishini uchratsam, Gavharning dadasimikan, deb yuragim oʻynab ketadi. — S. Siyoyev, Yorugʻlik

Usubalining serbar telpak ostidagi kallasi barra poʻstin ichiga kirib ketdi. — M. Ismoiliy, Fargʻona tong otguncha

ot 1. Uzoqdan turib soʻzlashishga, ovoz, nutqni masofaga uzatishga xizmat qiladigan elektr aloqa qurilmasi va uning signal qoʻngʻirogʻi hamda gaplashish trubkasi boʻlgan apparati.

Telefonda (telefon orqali) gaplashmoq. Telefon bilan xabar qilmoq. Telefon stansiyasi.

Telefon jiringladi. Sulaymonov trubkani oldi. — A. Qahhor, Ikki yorti — bir butun

Kitob mutolaa qilib oʻtirgan Normurod bir sapchib tushdi-yu, qoʻrqa-pisa telefonga qoʻl choʻzdi. — O. Yoqubov, Diyonat

2. Telefon aloqaning qisqa nomi.

Baʼzi gazeta xodimlari materiallarni telefon orqali oladilar. — Mushtum

ot 1. Kichkina arava; aravacha.

Mahsulot ortilgan mashinalar, telejkalar muzxona va punkt tomon oshiqadi. — M. Nazarov, Yaxshini maqtasa yarashur

2. Baʼzi mashina va mexanizmlarning surilma qismi.

Minorali kran telejkasi.

ot 1. Telba ekanlik.

Telba telbaligini tan olmaydi. — Maqol

2. Telbalarga, aqldan ozgan, es-hushini yoʻqotgan kishilarga xos holat, xatti-ha-rakat; jinnilik.

Telbalik izlari yoʻqolib, aql va husn barq urib turgan koʻzlarga boqish unga [Adolatga] sira tengsiz bir lazzat bagʻishlardi. — S. Zunnunova, Gulxan

ot 1. Uzoq masofalarga telegramma, radiotelegramma tarzida shoshilinch xabar uzatish yoki uni qabul qilib olish uchun xizmat qiladigan aloqa tizimi va uning vositalari.

Telegrafning kashf etilishi. Telegraf stansiyasi. Telegraf aloqasi. Telegraf apparati. Telegraf simlari.

Stansiyaning idorasi, pochta va telegraf ikkita koʻk vagonga joylashgan. — R. Fayziy, Taʼzim

2. Shunday xabarlarni yuboradigan va qabul qilib oladigan aloqa muassasasi va uning binosi.

Toshkent markaziy telegrafi. Telegrafga bormoq. Telegrafda ishlamoq.